17.07.2026 | 17:43
Հունիսին ՔԿՀ-ներում հայտնաբերվել է 137 բջջային հեռախոս և թմրամիջոցների նմանվող նյութեր
ԲԴԽ-ն Վարչական և Վերաքննիչ վարչական դատարանների նախագահների թեկնածուներ է առաջարկել
Հասարակություն
09.07.2021 | 16:12
ՀՀ դատական իշխանության պաշտոնական կայքից տեղեկանում ենք, որ ԲԴԽ նախագահի պաշտոնակատար Գագիկ Ջհանագիրյանի որոշումներով Վարչական և Վերաքննիչ վարչական դատարանների նախագահների թեկնածուներ են առաջարկվել:
Ըստ այդմ՝
2021 թվականի հուլիսի 8-ին, դռնփակ նիստում, քննարկելով Վերաքննիչ վարչական դատարանի նախագահի պաշտոնի թափուր տեղում թեկնածություն առաջարկելու վերաբերյալ հարցը և ղեկավարվելով Հայաստանի Հանրապետության Սահմանադրության 175-րդ հոդվածի 1-ին մասի 3-րդ կետով, «Հայաստանի Հանրապետության դատական օրենսգիրք» սահմանադրական օրենքի 94-րդ հոդվածի 1-ին մասով, 130-րդ, 121-րդ և 117-րդ հոդվածներով` Բարձրագույն դատական խորհուրդը
Ո Ր Ո Շ ՈՒ Մ Է
1. Հանրապետության նախագահին առաջարկել Արա Էդուարդի Բաբայանի թեկնածությունը՝ Վերաքննիչ վարչական դատարանի նախագահի պաշտոնի թափուր տեղում նշանակելու համար:
2. Սույն որոշումն ուժի մեջ է մտնում հրապարակմանը հաջորդող օրվանից:
2021 թվականի հուլիսի 8-ին, դռնփակ նիստում, քննարկելով Վարչական դատարանի նախագահի պաշտոնի թափուր տեղում թեկնածություն առաջարկելու վերաբերյալ հարցը և ղեկավարվելով Հայաստանի Հանրապետության Սահմանադրության 175-րդ հոդվածի 1-ին մասի 3-րդ կետով, «Հայաստանի Հանրապետության դատական օրենսգիրք» սահմանադրական օրենքի 94-րդ հոդվածի 1-ին մասով, 121-րդ և 117-րդ հոդվածներով` Բարձրագույն դատական խորհուրդը
Ո Ր Ո Շ ՈՒ Մ Է
1. Հանրապետության նախագահին առաջարկել Հրաչ Մարտունի Այվազյանի թեկնածությունը՝ Վարչական դատարանի նախագահի պաշտոնի թափուր տեղում նշանակելու համար:
2. Սույն որոշումն ուժի մեջ է մտնում հրապարակմանը հաջորդող օրվանից:
