29.06.2026 | 21:35
Խնդիր չեմ տեսնում պարոն Իոաննիսյանին հրավիրելու մեջ, ուղղակի չեմ ուզում գործընթացը ձգձգվի․ Սուրեն Գրիգորյան․ ՏԵՍԱՆՅՈւԹ
ԵԱՀԿ-ն հայտարարել է Դոնբասում իրավիճակի վատթարացման մասին
Քաղաքականություն
08.07.2021 | 13:39
Ուկրաինայում և Եռակողմ շփման խմբում ԵԱՀԿ գործող նախագահի հատուկ ներկայացուցիչ, դեսպան Հեյդի Գրաուն պատվիրակությունների ղեկավարների մակարդակով հերթական հանդիպումից հետո հայտարարել է Դոնբասում անվտանգային իրավիճակի վատթարացման մասին: Այս մասին ասված է ԵԱՀԿ կայքում հրապարակված հայտարարության մեջ:
«Վերջին երկու շաբաթվա ընթացքում աճում են հրադադարի ռեժիմի խախտումները: Աճում է խախտումների ընդհանուր քանակը և վատթարանում է անվտանգային իրավիճակն անջատման գոտիներում և դրանց հարակից տարածքներում»,- հայտարարել է Գրաուն:
Նա նաև փաստել է, որ «կողմերը դեռևս պատրաստակամություն չեն ցուցաբերել հրադադարի ռեժիմի խախտումները վերացնելու համար»։
Հրադադարի ռեժիմի խախտման մասին ԵԱՀԿ զեկույցի համաձայն՝ անցած օրվա ընթացքում առաքելությունը Դոնեցկի և Լուգանսկի մարզերում գրանցել է 464 խախտման դեպք:
Տաթև Ֆռանգյան
