16.05.2026 | 16:04
Պարեկները հանրապետության տարբեր հատվածներում ատրճանակներ են հայտնաբերել
Կարծես ամբողջ օրենսդրությունը գործում է միայն ի շահ հանքարդյունաբերողի․ Օլեգ Դուլգարյան. ՏԵՍԱՆՅՈՒԹ
Տնտեսություն
07.07.2021 | 13:51
Հանքարդյունաբերությունից տուժած համայնքներում քաղաքացիներն ինչպե՞ս կարող են պաշտպանել իրենց իրավունքները, ո՞ր դեպքերում է իրավունքների խախտումը ենթադրում ֆինանսական կամ բարոյական փոխհատուցում: «Առողջության իրավունք. դատական հայցեր «Ախթալայի լեռնահարստացման կոմբինատ»-ի և այլ կազմակերպությունների դեմ» թեմայով քննարկման ժամանակ անդրադառնալով այս հարցերին՝ «Համայնքային համախմբման և աջակցության կենտրոն» ՀԿ նախագահ, իրավապաշտպան Օլեգ Դուրգարյանը նկատեց, որ Հայաստանում չկան համապատասխան մեխանիզմներ, օրենքներ, որոնցով ապացուցողական բազան կարող է համալրվել և քաղաքացիներին փոխհատուցում տրամադրվի կամ կանխարգելման միջոցառումներ իրականացվեն:
«Հատկանշական է, որ կան որոշակի հաստատված ստանդարտներ, որոնք խախտվում են, խախտվում են համայնքի, մարդականց իրավունքները, ընկերությունները չեն կատարում իրենց պարտականությունները, մարդկանց իրավունքների շարունակական իրավունքների խախտումը չի կասեցվում: Այդ խնդիրը ՀՀ օրենսդրությամբ դատական կարգով լուծելի է, բայց քաղաքացիների մեծամասնությունը թերահավատորեն է մոտենում դատական համակարգին, նաև տեղյակ չեն, որ իրենց կրած վնասների համար կարող են փոխհատուցում ստանալ»,- նշեց Դուրգարյանը:
Նա նաև ընդգծեց, որ ամբողջ օրենսդրությունը կարծես թե գործում է միայն ի շահ հանքարդյունաբերողի. «Շատ կարևոր է, որ օրենսդրական դաշտը կարգավորվի»:
Մանրամասները՝ տեսանյութում:
