19.12.2025 | 03:00
Կոնֆերենցիաների լիգա. «Նոայի» հավանական մրցակիցները փլեյ-օֆֆում
ՀՀ-ում կորոնավիրուսի դեմ պատվաստվածների թիվը մոտենում է 90.000-ի․ այսօր պատվաստվեցին նաև լրագրողները․ ՏԵՍԱՆՅՈՒԹ
06.07.2021 | 20:20
Առողջապահության նախարարության Հիվանդությունների վերահսկման և կանխարգելման ազգային կենտրոնի «Ռեֆերենս լաբորատոր» կենտրոնում այսօր COVID-19-ի դեմ պատվաստվեցին լրատվամիջոցների ներկայացուցիչները: Հանրային ակցիայի նպատակը պատվաստման կարևորության մասին հասարակության լայն շրջանակին իրազեկելն է: Պատվաստումներն իրականացվեցին Հայաստանում առկա COVID-19-ի դեմ բոլոր 3 պատվաստանյութերով` «ԱստրաԶենեկա», «Սպուտնիկ V» և «Կորոնավակ»:
ՀՀ-ում կորոնավիրուսի դեմ պատվաստումների մեկնարկից ի վեր, հուլիսի 4-ի դրությամբ, կատարվել է 88 հազար 164 պատվաստում։ Factor TV-ի հարցին՝ ինչու է մեր երկրում ցուցանիշն այդքան ցածր, ԱՆ խոսնակ Հռիփսիմե Խաչատրյանը պատասխանեց, որ մտածելակերպի խնդիր է, պետությունն ամեն ինչ արել է քաղաքացիների համար․ «Ապահովել ենք պատվաստանյութերի մի քանի տեսակ, մեր քաղաքացին այսօր ունի ընտրության հնարավորություն»։
Հիշեցնենք, որ նախկինում «Սպուտնիկ V» պատվաստանյութով պատվաստումները նախատեսված էին միայն 18 տարեկան և բարձր տարիքի քրոնիկ հիվանդների, 18-54 տարեկան բուժաշխատողների, սոցիալական խնամքի կենտրոնների բնակիչների և աշխատակիցների համար: Հուլիսի 1-ից, սակայն, Հայաստանում «Սպուտնիկ V» պատվաստանյութով պատվաստումներ կարող են իրականացվել ինչպես ռիսկի խմբերում, այնպես էլ 18 տարեկան և բարձր տարիքի անձանց շրջանում։
Նշենք, որ Առողջապահության նախարարությունը շարունակելու է կորոնավիրուսի դեմ պատվաստումների հանրային ակցիան՝ ներգրավելով տարբեր ոլորտների ներկայացուցիչների:
Մանրամասները՝ տեսանյութում։
Արփի Հակոբյան
