19.12.2025 | 17:45
Այդպիսի ինֆորմացիայի չեմ ծանոթացել. Սերժ Սարգյանը՝ Կաթողիկոսի եղբոր գործակալ լինելու մասին․ ՏԵՍԱՆՅՈՒԹ
Ասում են՝ տղաս գումար է ստացել, դա իմ աշխատավարձն է եղել․ պետական դավաճանության գործով մեղադրյալի մայր. ՏԵՍԱՆՅՈՒԹ
Հասարակություն
06.07.2021 | 15:58
Այսօր Երևանի ընդհանուր իրավասության դատարանում տեղի ունեցավ պետական դավաճանության գործով երկրորդ դատական նիստը: Այն նախագահում էր դատավոր Գագիկ Պողոսյանը։
Ամբաստանյալը 23-ամյա Մայիս Սահակյանն է։ Նրա կինը՝ Ստելլա Սարգսյանը, մեղադրվում է լրտեսության մեջ։ Կողմերին կենսագրական մի քանի հարցեր ուղղելուց հետո դատավորը հայտարարեց, որ դատաքննությունը հետաձգվում է մինչև սեպտեմբերի 28-ը։
Նիստի ավարտից հետո Մայիս Սահակյանի մայրը՝ Ելենա Սահակյանը, մեզ հետ զրույցում վստահեցրեց՝ իր որդին անմեղ է։
«Քննիչը գրել է, որ 2015 թվականին Մայիս Սահակյանը եղել է Թուրքիայում։ Նա այդ ժամանակ եղել է անչափահաս երեխա․ իմ հետ եմ ես տարել իրեն Թուրքիա։ Գումարը, որ ասում են, թե ինքը ստացել է, դա իմ աշխատավարձն է եղել, որը ես ստացել և ուղարկել եմ։ Կոնկրետ Մայիս Սահակյանը ոչ մի բան չի արել։ Ինքն իր սխալը «վիզ է վերցրել»․ իրեն գերմանական համարով զանգել, ասել են՝ ուզում ենք օգնել, ասել է՝ հա ու չի հրաժարվել։ Իսկ քննիչը գրել է այն, ինչ իրեն պետք է եղել»,- ասաց Ելենա Սահակյանը։
Նշենք, որ համաձայն մեղադրական եզրակացության՝ Ստելլա Սասունի Սարգսյանին մեղադրանք է առաջադրվել այն բանի համար, որ նա ամուսնու՝ Մայիս Զավենի Սահակյանի կողմից լրտեսության, ռազմական բնագավառում պետական և ծառայողական գաղտնիքի շարքին դասվողեղանակով պետական դավաճանություն կատարելուն օժանդակելու դիտավորությամբ, տրամադրել է անհրաժեշտ միջոցներ, ինչպես նաև՝ վերացրել է այդ կապակցությամբ առկա խոչընդոտները:
Մանրամասները՝ տեսանյութում։
Մերի Մարտիրոսյան
