17.12.2025 | 18:50
Սուրեն Պապիկյանի հրամանով տարածքային պաշտպանության զորքերի հրամանատարությանը հանձնվել է մարտական դրոշ
Հիմա այնքան էլ առողջ չեմ․ լրտեսության համար մեղադրվողը պատասխանում է դատավորի հարցերին. ՏԵՍԱՆՅՈՒԹ
Հասարակություն
06.07.2021 | 15:35
Այսօր Երևանի ընդհանուր իրավասության դատարանում՝ նախագահությամբ դատավոր Գագիկ Պողոսյանի, տեղի ունեցավ պետական դավաճանության գործով երկրորդ դատական նիստը: Ամբաստանյալը Մայիս Սահակյանն է։ Նրա կինը՝ Ստելլա Սարգսյանը, մեղադրվում է լրտեսության մեջ։
Սարգսյանն այսօր պատասխանեց դատավորի հարցերին։ Նա նշեց, որ ունի երեխա, նախկինում դատապարտված չի եղել, կրթությունը՝ թերի բարձրագույն։ Ստելլա Սարգսյանը չի ընդունում իրեն առաջադրված մեղադրանքը։
Դատավոր Պողոսյանի՝ առողջական վիճակի վերաբերյալ հարցին ի պատասխան՝ Սարգսյանն ասաց․ «Հիմա այնքան էլ առողջ չեմ»։ Նա նաև մանրամասնեց, որ առաջադրված մեղադրանքներից հետո է այդ վիճակում։
Դատավորը հարցեր ուղղեց նաև պետական դավաճանության համար մեղադրվող Մայիս Սահակյանին, ինչից հետո նիստը եզրափակվեց։
Հաջորդ դատական նիստը տեղի կունենա սեպտեմբերի 28-ին։
Համաձայն մեղադրական եզրակացության՝ Ստելլա Սասունի Սարգսյանին մեղադրանք է առաջադրվել այն բանի համար, որ նա ամուսնու՝ Մայիս Զավենի Սահակյանի կողմից լրտեսության, ռազմական բնագավառում պետական և ծառայողական գաղտնիքի շարքին դասվող տեղեկություններ հավաքելու և հանձնելու, ինչպես նաև՝ թշնամական գործունեություն իրականացնելու համար օտարերկրյա կազմակերպության ներկայացուցչին այլ օգնություն ցույց տալու եղանակով պետական դավաճանություն կատարելուն օժանդակելու դիտավորությամբ, տրամադրել է անհրաժեշտ միջոցներ, ինչպես նաև՝ վերացրել է այդ կապակցությամբ առկա խոչընդոտները:
Մանրամասները՝ տեսանյութում։
Մերի Մարտիրոսյան
