19.11.2024 | 10:46
«Իմ քվեարկությունը չեղավ», «Դա հիմք է ստեղծելու Ձեզ հետագայում հեռացնել»․ Ավինյանը կատակեց․ ՏԵՍԱՆՅՈՒԹ
Մեր երկրի Մայր օրենքով սահմանադիրը` ՀՀ ժողովուրդը, անփոփոխելիորեն սահմանել է, որ իշխանությունը ՀՀ-ում պատկանում է ժողովրդին. Միրզոյան
05.07.2021 | 14:24
ՀՀ ԱԺ նախագահ Արարատ Միրզոյանը Սահմանադրության օրվա կապակցությամբ ուղերձ է հղել.
«Մեր երկրի Մայր օրենքով սահմանադիրը` Հայաստանի Հանրապետության ժողովուրդը, անփոփոխելիորեն սահմանել է, որ Հայաստանը ինքնիշխան, ժողովրդավարական, սոցիալական, իրավական պետություն է, և որ իշխանությունը Հայաստանում պատկանում է ժողովրդին:
Արժեքները, որոնք ընկած են այս ձևակերպումների հիմքում, մարմնավորում են մեր ժողովրդի դարավոր նվիրական երազանքներն ու իղձերը, ազատության համար մղած պայքարը։
Այժմ, դաժան փորձություններից և արհավիրքներից հետո մեր ժողովուրդն իրավունք և ինչ-որ իմաստով նաև պարտավորություն ունի վերածնվելու և կրկին կառուցելու իր երջանիկ ապագան, ապացուցելու, որ այդ արժեքները սրբազան են, անքննելի և անսակարկելի, իսկ մեր պետականության ընթացքը` անկասելի։
Շնորհավորում եմ բոլորիս Սահմանադրության օրվա կապակցությամբ»։
