31.01.2026 | 20:55
Մայր Աթոռը կոչ է անում ՀՀ իշխանությանը և իրավապահ համակարգին գործել բացառապես ՀՀ Սահմանադրության և օրենքի շրջանակներում
ԱԻՆ-ը պարզաբանել է սեյսմիկ պաշտպանության վարչության գործունեությունը դադարեցնելու վերաբերյալ որոշումը
02.07.2021 | 18:50
Արտակարգ իրավիճակների նախարարության սեյսմիկ պաշտպանության վարչության գործունեությունը դադարեցվում է․ այս մասին նշվում է Նիկոլ Փաշինյանի որոշման մեջ։
Նույն որոշմամբ՝ ուժը կորցրած է ճանաչվում Հայաստանի Հանրապետության վարչապետի 2018 թվականի հունիսի 11-ի «Հայաստանի Հանրապետության արտակարգ իրավիճակների նախարարության կանոնադրությունը հաստատելու մասին» N 740-Լ որոշմամբ հաստատված՝ Հայաստանի Հանրապետության արտակարգ իրավիճակների նախարարության կանոնադրության 33-րդ կետի 4-րդ ենթակետը:
Այսինքն՝ նախարարության կառուցվածքային ստորաբաժանումներից դուրս է գալիս սեյսմիկ պաշտպանության վարչությունը։
Այս որոշումը քննարկումների առիթ է դարձել։ Հաշվի առնելով տարաբնույթ մեկնաբանությունները՝ ԱԻՆ-ը պարզաբանում է ներկայացրել։
«Հաշվի առնելով «Սեյսմիկ պաշտպանության տարածքային ծառայություն›› ՊՈԱԿ-ի գործառույթները՝ մասնավորապես հարաբերությունները տարբեր միջազգային կազմակերպությունների հետ, դիտացանցի աշխատանքների կարևորությունը, ինչպես նաև մասնագիտական այլ գործառույթներ, կառավարությունն առավել նպատակահարմար է համարել, որ Արտակարգ իրավիճակների նախարարության սեյսմիկ պաշտպանության վարչությունը կշարունակի գործել նախկին կարգավիճակով՝ որպես ՊՈԱԿ»,- ասված է որոշման մեջ։
