06.06.2026 | 01:06
«Ուժեղ Հայաստանի» մասնակցությունը կվիճարկվի՞ Վարչական դատարանում, թե՞ ոչ․ «Հանրապետության» անդամը՝ իրենց որոշման մասին
Համացանցում արդեն դեղատոմսեր են վաճառում․ Լևոն Ալթունյանի նորամուծության հետևանքները
01.03.2018 | 17:01
Դեղերի ձեռք բերման կարգում արված վիճահարույց փոփոխության առաջին իսկ օրն արդեն ակնհայտ են դառնում դրա խոցելի կողմերը։ Բանը հասնում է անգամ զավեշտի։ Մասնավորապես՝ համացանցում արդեն հայտարարություններ են հայտնվում դեղատոմսերի վաճառքի վերաբերյալ։
Երեկ list.am էլեկտրոնային հարթակում մասնավոր հայտարարություն էր հայտնվել դեղատոմսերի վաճառքի վերաբերյալ։ Հայտարարության հեղինակը 1500 դրամ էր սահմանել մեկ դեղատոմսի համար և որպես պարզաբանում գրել էր․ «Տատունս էր, էլ պետք չի»։
Այս հայտարարությունը այսօր հայտնվեց ֆեյսբուքյան տիրույթում և ծիծաղի ու սուր մեկնաբանությունների առարկա դարձավ, ինչից հետո հեռացվեց list.am -ից։ Սա կարող է նշանակել, որ դեղատոմսերն արդեն վաճառվել են կամ էլ հայտարարության հեղինակը գլուխն ազատեց հնարավոր աղմուկից։
Հետաքրքիր է, թե Առողջապահության նախարարությունն ինչ մեխանիզմներով է վերահսկելու, որպեսզի դեղատոմսերի վաճառքի այլ՝ ոչ այդքան հրապարակային դեպքերը բացառվեն։
Այս և դեղերի բաց թողնման կարգի փոփոխության արդյունքում ծագող այլ խնդիրների շուրջ, սակայն, հանրությանը սպառիչ պարզաբանումներ այդպես էլ չեն ներկայացվում։
