07.10.2026 | 10:55
Մեսին գոլ ու 2 ասիստ է գրանցել Արգենտինայի հավաքականում հրաժեշտի խաղում. ՏԵՍԱՆՅՈՒԹ
Նախկին բարքերին վերադարձ չի լինելու. Արուսյակ Ջուլհակյան. ՏԵՍԱՆՅՈՒԹ
Քաղաքականություն
01.07.2021 | 18:02
Ռոբերտ Քոչարյանի ղեկավարած «Հայաստան» դաշինքը և Սերժ Սարգսյանի ղեկավարած ուժի և այլ քաղաքական ուժի կազմած «Պատիվ ունեմ» դաշինքը արտահերթ ընտրությունների արդյունքում անցնելու են խորհրդարան: Արդյո՞ք սա չի նշանակում, որ խորհրդարանում կրկին նախկիններն են հայտնվում:
Factor.am-ի հետ զրույցում անդրադառնալով այս հարցին՝ ԱԺ «Իմ քայլը» խմբակցության պատգմավոր Արուսյակ Ջուլհակյանը նշեց. «Միանշանակ սա չի նշանակում վերադարձ նախկինին: Վերադարձ նախկինին նշանակում է վերադարձ նախկին բարքերին, իսկ դա բացառված է, այլևս չի լինելու վերադարձ նախկինին: Կարծում եմ՝ այդ էջը 2018 թ. փակել է Հայաստանի ժողովուրդը, և 2021թ. ընտրություններով ժողովուրդը վերահաստատել է այն դիրքորոշումը, որ նախկին ուժերի էջը այլևս փակված է: Իսկ այն, որ այդ երկու ուժերը մտել են խորհրդարան, դա ժողովրդի կամքն է ցույց տալիս, և անկախ նրանից դա մեզ դուր է գալիս, թե ոչ, մենք պետք է հաշվի նստենք ժողովրդի կամքի հետ: Եթե մենք համարում ենք, որ ընտրությունները եղել են ազատ, արդար և թափանցիկ և խախտումներն էական ազդեցություն չեն ունեցել ընտրությունների արդյունքների վրա, ապա պետք է հաշվի նստենք ՀՀ ժողովրդի կատարած ընտրության հետ: Ժողովրդավարության կանոնը դա է»,-նշեց Ջուլհակյանը:
Մանրամասները՝ տեսանյութում:
