Ստանում ենք ընդդիմություն, որը, մեղմ ասած, գլխացավանք է․ հիմա էլ հոխորտում են, թե հանգիստ չենք տալու․ Ռուբեն Մեհրաբյան. ՏԵՍԱՆՅՈՒԹ

Ի՞նչ «զսպաշապիկներ» պետք է գործեն, որպեսզի իշխանությունը չկտրվի իրականությունից: «Իշխանություն-հասարակություն հնարավոր համագործակցության ձևաչափ» թեմայով քննարկման ժամանակ քաղաքագետ Ռուբեն Մեհրաբյանն այս հարցին ի պատասխան նշեց. «Խորհրդարանում իշխանությունները հազիվ թե այդ առումով լավ խորհրդատուներ կարողանան ունենալ՝ հանձինս այն ընդդիմության, որն այնտեղ ձևավորվել է: Որակական մասով դա այդ երեք տարվա բացթողումների արդյունքն է:

Չտրվեց պետության զավթման քաղաքական գնահատականը, և հեղափոխությունն այդպես էլ «ծննդյան վկայական» չունեցավ:

Մարդիկ, որոնց վրա, եթե աչքներդ փակ մատներդ դնեք քրեական օրենսգրքի ցանկացած էջի վրա, այդ հոդվածով կարող եք գործ հարուցել, համապատասխան վայրերում հայտնվելու փոխարեն հայտնվեցին ընտրական ցուցակներում: Ռեանիմացվեց թաղային նայողների ինստիտուտը, օդում կախված լուրերի համաձայն՝ որոշակի գումարներ սկսեցին շրջանառվել և որոշ հիմնարկների տնօերններ պարտադրում էին՝ ում ընտրել և ինչ քաղաքական վարք դրսևորել: Արդյունքում մենք ստացանք մի ընդդիմություն, որը, մեղմ ասած, ընդդիմություն չէ, այլ գլխացավանք է, եթե ոչ չարիք: Հիմա էլ հոխորտում են, թե հանգիստ չենք տալու: Քրեական օրենսգիրքը  «լաց է լինում» նրանց վրա»,- նշեց Մեհրաբյանը՝ հավելելով, որ մեկուկես տարի հետո հնարավոր է արտահերթ ընտրություններ տեղի ունենան, քանի որ այդ ընդդիմությունը կարող է գոյություն չունենալ:

Մանրամասները՝ տեսանյութում: