14.01.2026 | 17:30
«Անակնկալի եկանք»․ Վագիֆ Խաչատրյանի դուստրը Երևան է ուղևորվում
Դատավորները չեն կարողանա կասեցնել ապօրինի կառույցի քանդման որոշումը. Հովակիմյանը՝ նոր նախագծի մասին. ՏԵՍԱՆՅՈՒԹ
Հասարակություն
01.07.2021 | 15:21
ՀՀ ազգային ժողովում քննարկվում է պետական և համայնքային սեփականության հողերում ինքնակամ կառույցներին վերաբերող նախագիծը երկրորդ ընթերցմամբ ընդունելու հարցը:
Առաջինից երկրորդ ընթերցմամբ քննարկման ընթացքում Պետաիրավական հարցերի մշտական հանձնաժողովի նկատած խնդիրների, դիտարկումների, առաջարկների արդյունքում նախագծերի փաթեթից հանվել էին 4 նախագծերը և մնացել էր 1 նախագիծ՝ Վարչական դատավարության օրենսգրքի 83-րդ հոդվածում լրացում կատարելու առնչությամբ:
Վահագն Հովակիմյանը հայտնեց, որ Վարչական դատավարության օրենսգրքում փոփոխությամբ լուծվում է այն խնդիրը, որ Երևանի քաղաքապետարանը, վարչական շրջանները չէին կարողանում քանդել ապօրինի շինությունները: «Այս նախագծի ընդունամամբ լուծվում է այն հարցը, երբ բողոքարկում էին դատարան, քանդման պրոցեսը դադարեցվում էր: Երևանում այս կարգն ընդունելուց հետո դատավորները չեն կարողանա կասեցնել քանդման որոշումները: Երբ վարչական շրջանի ղեկավարը քանդման որոշում է կայացնում, դա պետք է իրագործվի: Դատական կարգով այդ գործընթացը կասեցնել չի լինի՝ այդ կարգավորումն ընդունելուց հետո»,- նշեց Վահագն Հովակիմյանը:
Նա նաև հայտնեց, որ մնացած 4 հարակից օրենքների նախագծերի կարգավորումներին առաջիկայում կառավարության նախաձեռնությամբ կտրվի ավելի համապարփակ լուծում՝ նաև հաշվի առնելով մարզերի խնդիրները:
Մանրամասները՝ տեսանյութում:
