25.06.2026 | 04:04
ԱԱ-2026. Բրազիլիան հաղթեց խոշոր հաշվով, Մարոկկոն ևս փլեյ-օֆֆում է. ՏԵՍԱՆՅՈՒԹ
Օբյեկտիվության խնդիր է եղել. Նաիրա Զոհրաբյանը՝ ԲՀԿ-ից դուրս գալու պատճառների մասին. ՏԵՍԱՆՅՈՒԹ
Քաղաքականություն
01.07.2021 | 15:05
«Ես «Բարգավաճ Հայաստան»-ի հետ երկար ճանապարհ եմ անցել, կուսակցության հիմնադիրներից եմ, երեկ մեկ անգամ արդեն խոսել եմ և ասել եմ, որ, այո, եղել է օբյեկտիվության խնդիր»,- այս մասին լրագրողների հետ զրույցում նշեց ԱԺ պատգամավոր Նաիրա Զոհրաբյանը՝ անդրադառնոլվ ԲՀԿ-ից դուրս գալու պատճառներին:
Զոհրաբյանը նշեց, որ իր համար անակնկալ էր, որ ԲՀԿ-ն ընտրություներում չկարողացավ հաղթահարել 5 տոկոսի շեմը և նշեց, որ ԲՀԿ-ն բավարար ժամանակ կունենա հասկանալու իր օբյեկտիվ սխալները և բացթողումները, եթե այդպիսիք եղել են:
Ինչ վերաբերում է խորհրդարանական ընդդիմության գործունեությանը, Զոհրաբյանը նշեց․ «Այո՛, պետք է գրավել ԱԺ-ի ամբիոնը, պետք է կազմալուծել և թույլ չտալ, որ պատերազմից և Արցախի հանձնումից հետո այս ամբիոնում քննարկեն, օրինակ, ավտոմոբիլային տրանսպորտի օրենքի նախագիծ»։
Անդրադառնալով կարծիքներին, թե ԲՀԿ-ն գործարքի մեջ է մտել ներկա իշխանությունների հետ, Զոհրաբյանը շեշտեց, որ ինքը չունի փաստ դա պնդելու համար։
«Ես գտնում եմ, որ պատերազմից հետո այս դահլիճը պիտի կազմալուծվեր, և պետք է թույլ չտային, որ պատերազմը տանուլ տված մարդիկ մոտենան ամբիոնին, անկախ նրանից, թե մեզ անվտանգությունը դուրս կհրավիրեր դահլիճից, թե կզրկեին ձայնի իրավունքից: Խորհրդարանական ընդդիմությունը պատերազմից հետո պետք է շատ ավելի կարծր դիրքորոշում որդեգրեր. այս հարցով ես Ռոբերտ Քոչարյանի հետ համաձայն եմ»,- նշեց Զոհրաբյանը։
Մանրամասները՝ տեսանյութում:
