12.01.2026 | 23:30
Գերմանիան և Հնդկաստանն ընդլայնում են ռազմական համագործակցությունը
Արցախում անվտանգության խնդրից հետո երկրորդ առաջնահերթ խնդիրը բնակարանայինն է. Արտակ Բեգլարյան. ՏԵՍԱՆՅՈՒԹ
Հասարակություն
01.07.2021 | 10:52
«Արցախում անվտանգության խնդրից հետո երկրորդ առաջնահերթ խնդիրը բնակարանայինն է»,- այս մասին առցանց մամուլի ասուլիսում ասաց Արցախի պետական նախարար Արտակ Բեգլարյանը՝ պատասխանելով Շուշիից տեղահանված Ալիսա Հայրապետյանի հարցին։
Շուշիում բնակարանը կորցրած Ալիս Հայրապետյանը նշել էր, որ չի ցանկանում թողնել Մարտական խաչ առաջին աստիճանի շքանշանակիր, նահատակ եղբոր կողմից ազատագրված Արցախը, սակայն ունի բնակարանի խնդիր, ապրում են բարեկամի տանը։ Նա հետաքրքրվել էր, թե երբ է գործելու Ստեփանակերտում բնակարանի ձեռքբերման ծրագիրը։
Արտակ Բեգլարյանը ողջունեց Արցախում ապրելու ցանկությունը: Նա տեղեկացրեց, որ բնակարանային խնդրի լուծման ծրագիր է մշակվել, շուտով կլինեն հստակ ժամկետներ, չափանիշներ, ընթացակարգեր, կնշանակվեն լիազոր մարմիններ:
«Այս ամիսների ընթացքում որոշակի աշխատանքներ կատարվել են, տեղահանված որոշ ընտանիքներ մշտական կամ ժամանակավորապես տեղավորվել են, բայց շինարարական աշխատանքներն ու երկրորդային շուկայից բնակարանների ձեռքբերումն ակտիվ փուլ են մտնելու»,- նշեց Բեգլարյանը՝ հավելելով, որ մի քանի շաբաթից ավելի հստակ կարող են ասել, թե ըստ առաջնահերթությունների՝ ով երբ կարող է ապահովվել բնակարանով։
Մանրամասները՝ տեսանյութում:
