08.09.2026 | 15:28
Մարիաննա Ղահրամանյանը՝ ԱԺ ՄԻՊ և հանրային հարցերի մշտական հանձնաժողովի փոխնախագահ
Սամվել Ալեքսանյանին և Մհեր Սեդրակյանի որդուն պատկանող ընկերություններին կառավարությունը միլիոնավոր դրամների արտոնություն է տալիս. Ալեքսանյանը գուլպայի նոր գործարան է բացում
Տնտեսություն
30.06.2021 | 21:08
ՀՀ կառավարությունը վաղվա նիստին մաքսատուրքից ազատման արտոնություններ կտա ԱԺ ՀՀԿ-ական նախկին պատգամավոր, խոշոր գործարար Սամվել Ալեքսանյանի «Ալեքս Տեքստիլ» ընկերությանը և Մհեր Սեդրակյանի որդուն՝ Դավիթ Սեդրակյանին պատկանող «Դռագսման» ընկերությանը: Վերջինս Ռոբերտ Քոչարյանի թիմակիցն է, նա «Հայաստան» դաշինքի ցուցակով մասնակցում էր ԱԺ արտահերթ ընտրություններին:
Այս հարցերն ընդգրկված են չզեկուցվող նախագծերի ցանկում:
Ըստ կառավարության որոշման նախագծի՝ «ԴՌԱԳՍՄԱՆ» ՍՊԸ-ն նախատեսում է իրականացնել 121 մլն դրամի ներդրում՝ գործարանի կառուցման և 170 մլն դրամի ներդրում՝ սարքավորման ձեռքբերման համար։ Նախատեսվում է ներդրումային ծրագրի շրջանակում ստեղծել 25 նոր աշխատատեղ՝ 220 հազար դրամ միջին աշխատավարձով։ Այս ընկերությունն արդեն իրականացրել է 291 մլն դրամի կապիտալ ներդրում։ Այսպիսով՝ ընկերությունն ազատվում է 17 մլն դրամ մաքսատուրքից:
Իսկ ահա Սամվել Ալեքսանյանի ընտանիքին պատկանող ընկերությունն ազատվում է 106 մլն դրամ մաքսատուրքից: Կառավարության որոշման նախագծից տեղեկանում ենք, որ «ԱԼԵՔՍ ՏԵՔՍՏԻԼ»-ը պատրաստվում է շահագործման հանձնել զուգագուլպայի արտադրամաս, որը հնարավորություն կտա ստեղծել 80 նոր աշխատատեղ՝ 167 հազար դրամ միջին աշխատավարձով։
Նարեկ Կիրակոսյան
