11.09.2026 | 12:14
Վաղինակ Վարդանովը՝ ԱԺ պաշտպանության և անվտանգության հարցերի մշտական հանձնաժողովի փոխնախագահ
Նիկոլն ամեն ինչ էլ կլուծի. մարտունեցիները` սահմանային խնդրի մասին․ ՏԵՍԱՆՅՈՒԹ
Հասարակություն
30.06.2021 | 20:01
44-օրյա պատերազմի հետևանքով Գեղարքունիքի մարզը դարձել է Ադրբեջանին սահմանակից: Factor.am-ը մարտունեցիներից հետաքրքրվեց, թե ինչպես են պատկերացնում սահմանային խնդրի լուծումը:
«Այդ խնդրը պետք է ղեկավարները լուծեն, սովորական շարքային քաղաքացիների ասելով չի, վերևները ոնց կորոշեն, իրենց գործն է»-նշեց մարտունեցիներից մեկը:
Մեկ այլ քաղաքացի էլ նշեց, որ իր պատկերացմամբ՝ խաղաղապահ զորքեր պետք է տեղակայվեն մեր սահմանները պահպանելու համար:
Քաղաքացիների մի մասը կարծում է, որ թույլ ղեկավարություն ունենք, որը չի կարող սահմանային հարցերին լուծում տալ:
«Ներկա դրությամբ մենք կախված ենք հզոր գերտերություններից՝ մի կողմից Իրանն է, մի կողմից՝ Թուրքիան, մյուս կողմից՝ Ռուսաստանը և բոլորը իրենց միջնորդությունը կանեն, ու հարցը չի լուծվի»,-այս կարծիքը հայտնեց տարեց քաղաքացին:
Մարտունեցիների մեծ մասը լավատես է՝ ընտրություններից հետո խնդիրները կհաղթահարվեն: «Եթե Նիկոլն է, Նիկոլն ամեն հարց էլ կլուծի: Չգիտեմ ադրբեջանցիները ոնց են հեռանալու, բայց վերջը լավ է լինելու»,-ընդգծեց մարտունեցի տարեց կինը:
Մանրամասները՝ տեսանյութում:
