15.01.2025 | 09:46
«Խաղաղության խաչմերուկ»-ը միանգամայն ճիշտ և իմաստուն պատասխան է Ադրբեջանի պահանջներին․ Շտեֆան Մյուլլեր-Ալտերմատ
Կհստակեցվի ձերբակալության կարգը, կընդարձակվեն հիմքերը․ նախագիծը քննարկվում է ԱԺ-ում. ՏԵՍԱՆՅՈՒԹ
Հասարակություն
30.06.2021 | 12:21
ԱԺ-ն արտահերթ նիստում քննարկեց «ՀՀ քրեական դատավարության օրենսգրքում փոփոխություններ կատարելու մասին» նախագիծը երկրորդ ընթերցմամբ ընդունելու հարցը:
ԱԺ «Իմ քայլը» խմբակցության պատգամավոր, օրենքի նախագծի համահեղինակ Նիկոլայ Բաղդասարյանը պարզաբանեց, որ խոսքը վերաբերում է Քրեական դատավարության օրենսգրքի 128-րդ հոդվածում առաջարկվող փոփոխությանը, ձերբակալման ինստիտուտին։ Պատգամավորը նշեց, որ կհստակեցվի ձերբակալության կարգը, կընդարձակվեն հիմքերը:
«Գործող օրենսգիրքը բառացի մեկնաբանելիս ստացվում է, որ եթե հանցագործություն կատարած անձը չի դիմում փախուստի, ապա նրան ձերբակալել չի կարելի: Օրինակ, եթե մարդը կատարում է սպանություն, և դեպքի վայրում իրեն հայտնաբերում են, ըստ Քրեական դատավորության օրենսգրքի, նրան ձերբակալելը թույլատրելի չէ»,-ասաց Բաղդասարյանը:
Նրա խոսքով՝ օրենքի նախագիծն ընդունելու դեպքում, եթե անձը կատարում է արարք, անկախ նրանից՝ փախուստի դիմելու նպատակ ունի, թե ոչ, եթե կան անհրաժեշտ բոլոր պայմանները, քրեական վարույթ իրականացնող մարմինն իրավունք կունենա տվյալ սուբյեկտին ձերբակալել։
Մանրամասները՝ տեսանյութում։
