30.06.2026 | 10:19
Ավինյանն ընդունել է ՀՀ-ում Միացյալ Թագավորության դեսպանին
Վրաստանի ԱԳՆ ղեկավարը կրկին հանդիպել է Ֆիլիպ Ռիքերին․ անդրադարձ է եղել Թբիլիսիի և Վաշինգտոնի միջնորդությամբ հայ գերիների վերադարձին
Քաղաքականություն
29.06.2021 | 14:57
Հռոմ կատարած այցի ընթացքում Վրաստանի փոխվարչապետ, ԱԳ նախարար Դավիթ Զալկալիանին հանդիպել է ԱՄՆ պետքարտուղարի Եվրոպայի ու Եվրասիական հարցերով տեղակալի պաշտոնակատար Ֆիլիպ Ռիքերին։ Այս մասին տեղեկանում ենք Վրաստանի ԱԳՆ պաշտոնական կայքից։
«Հանդիպման ընթացքում վերահաստատվել է Վրաստանի ռազմավարական տարածաշրջանային նշանակությունը ԱՄՆ-ի համար՝ ընդգծելով Վրաստանի վարչապետի հաջող միջնորդությունը Ադրբեջանի ու Հայաստանի միջև՝ որպես կայունության ու անվտանգության ապահովման կարևոր քայլ»,- ասվում է հաղորդագրության մեջ։
Հիշեցնենք, որ հունիսի 12-ին Վրաստանի ու ԱՄՆ-ի միջնորդությամբ 15 հայ ռազմագերիների Բաքուն վերադարձրեց Հայաստանին, որին ի պատասխան՝ պաշտոնական Երևանը Ակնայի (Աղդամ) շրջանի ականապատ տարածքների քարտեզները փոխանցեց ադրբեջանական կողմին։
Հավելենք, որ գերիների վերադարձին նախորդել էր ԱՄՆ պետքարտուղարի Եվրոպայի ու Եվրասիական հարցերով տեղակալի պաշտոնակատար Ֆիլիպ Ռիքերի այցը Հարավային Կովկաս՝ Հայաստան, Վրաստան ու Ադրբեջան։
Էմմա Չոբանյան
