14.05.2026 | 17:40
ՀՀ-ն ժամանակավորապես կպարզեցնի վիզային ռեժիմը COP17 համաժողովի մասնակիցների համար
Բողոքի ակցիա անցկացնող Շիրակի մարզի գյուղացիները բացեցին մայրուղին
Հասարակություն
29.06.2021 | 14:27
Երևան-Գյումրի մայրուղու Ազատան-Բենիամին հատվածում բողոքի ակցիա իրականացնող գյուղացիներին հանդիպել է Շիրակի մարզպետ Հովհաննես Հարությունյանը։ Factor.am-ի հետ զրույցում ցուցարարներն ասացին, որ մարզպետը խոստացել է կարգավորել ոռոգման ջրի հետ կապված խնդիրը, թեև հույս չունեն, որ այն կկարգավորվի։
Հանդիպումից հետո բողոքի ակցիայի մասնակիցները բացել են ճանապարհը։
Շիրակի մարզպետ Հովհաննես Հարությունյանն էլ մեզ փոխանցեց, որ ինքը, արդեն իսկ ծանոթ լինելով խնդրին, գյուղացիների հետ հանդիպման ժամանակ տեղեկացրել է հարցի շուտափույթ կարգավորման շուրջ տարվող աշխատանքների ընթացքի մասին։
Նա նշեց, որ պիտի հաշվի առնել նաև եղանակային անբարենպաստ պայմանները․ այս տարի տեղումները քիչ են եղել։
Արմիկ Մովսիսյան
