07.10.2026 | 23:48
Արթուր Դանիելյանը կալանավորվեց
Դատարանը կասկածներ ունի, որ Քոչարյանը` որպես պատգամավորի թեկնածու, կարող է անձեռնմխելիությունից օգտվել. ՏԵՍԱՆՅՈՒԹ
Հասարակություն
29.06.2021 | 13:41
«Դատարանն արձանագրել է, որ նախորդ նիստը հետաձգելու պատճառը շարունակում է առկա լինել, մասնավորապես` դատարանի համար պարզ չէ Ռոբերտ Քոչարյանի և Արմեն Գևորգյանի կարգավիճակը, քանի որ նրանք «Հայաստան» դաշինքի ցուցակում են եղել և ԱԺ պատգամավոր կարող են դառնալ»,- այս մասին Ռոբերտ Քոչարյանի և Արմեն Գևորգյանի գործով դատական նիստից հետո լրագրողների հետ զրույցում հայտնեց ՀՀ գլխավոր դատախազի տեղակալ Գևորգ Բաղդասարյանը:
«Դատարանին մտահոգում էր նրանց անձեռնմխելիության հարցը։ Դատարանի հայտարարությունից պարզ էր, որ գտնում է, որ նրանք ձեռք են բերում անձեռնմխելիություն ու նրանց քրեական հետապնդման ենթարկելու համար պետք է անձեռնմխելիություն հաղթահարվի։ Բայց Սահմանադրության կարգավորումներում ձևակերպված է, որ ԱԺ պատգամավորի նկատմամբ քրեական հետապնդում չի կարող հարուցվել առանց ԱԺ համաձայնության, և պատգամավորը չի կարող ազատությունից զրկվել առանց ԱԺ համաձայնության:
Մենք ազատությունից զրկելու հարց այս պահին չենք քննարկում, իսկ մնացած հարցերն արդեն վարույթի ավարտի հարցեր են»,- ասաց Բաղդասարյանը։
Նրա խոսքով` անձեռնմխելիության խնդիր չի կարող առաջանալ. քրեական հետապնդումը հարուցվել է նախքան նրանց պատգամավորի կարգավիճակ ձեռք բերելը։
Հիշեցնենք` Ռոբերտ Քոչարյանի և Արմեն Գևորգյանի գործի քննությունը հետաձգվել է մեկ ամսով:
Մանրամասները՝ տեսանյութում:
