23.11.2024 | 00:35
Թրամփի հետ հեռախոսազրույցը տեղեկատվական էր, բայց նաև շատ պոզիտիվ. Փաշինյան. ՏԵՍԱՆՅՈՒԹ
Քոչարյանը Մոսկվայի պատվերով կատարում էր «բոբոյի», սևի դերը․ ԱԺԲ ներկայացուցիչ. ՏԵՍԱՆՅՈՒԹ
Քաղաքականություն
29.06.2021 | 13:22
«Եթե ուզում եք Հայաստանում տեղի ունեցող գործընթացների տրամաբանությունը հասկանալ, կարդացե՛ք և լսե՛ք ռուս գործիչներին. ընտրություններից մի քանի օր հետո, երբ դեռ վերջնական արդյունքները հռչակված չէին, պետդումայի պատգամավոր Կալաշնիկովը հայտարարեց, որ իրենք շատ գոհ են Հայաստանում անցկացված ընտրությունների արդյունքից, Փաշինյանի հաղթանակից, նույնիսկ դա համարում են ավելի լավ, քան եթե Քոչարյանը հաղթեր, քանի որ, ըստ իրենց, Քոչարյանի հաղթանակի դեպքում Հայաստանում կլինեին տուրբուլենտ զարգացումներ»,- այս մասին այսօր հրավիրված ասուլիսում հայտարարեց Ազգային ժողովրդավարական բևեռի խորհրդի անդամ Վահե Գասպարյանը:
«Սա ի գիտություն այն մարդկանց, ովքեր կարծում են, որ այս ընտրությունները բերեցին մեզ հաջողություն, որովհետև Քոչարյանը չվերադարձավ: Քոչարյանը չէր էլ ուզում վերադառնալ, Քոչարյանը Մոսկվայի պատվերով կատարում էր «բոբոյի», «սևի» դերը: Եթե 2018 թվականին այդ «սևի» դերը հիմնականում կատարում էր Սերժ Սարգսյանը, հիմա կատարում է Քոչարյանը: Տեսե՛ք, ժողովուրդ, Քոչարյանը ուզում է հետ գալ, գնացե՛ք, քվեարկե՛ք Փաշինյանին. սա այն է, ինչ տեղի ունեցավ։ Խորհուրդ կտամ ավելի խորությամբ, ավելի լայն համատեքստում այս ամենը դիտել, հիմա մենք ունենք ամբողջությամբ կրեմլահպատակ խորհրդարան, Կրեմլի կողմից նշանակված իշխանություն, Կրեմլի կողմից նշանակված ընդդիմություն, որոնք շարունակելու են իրենց «սև ու սպիտակի» պայքարը, խորհրդարանում թեժ քննարկումներ են լինելու, մեկը «մուրճով» է հարվածելու, մյուսը «մանգաղով», իրար հայհոյելու են, բայց արդյունքնում գեղեցիկ տանելու են Կրեմլի քաղաքականությունը՝ դեպի սահմանազատում, Մեղրիի միջանցք, Արցախի հարցի թաղում և այլն: Այս ընտրությունները նպատակ ունեն լեգիտիմացնել 44-օրյա անօրինական պատերազմի արդյունքները, այսինքն՝ իրավական ուժ տալ «ռազմական հաղթանակին»,- նշեց Գասպարյանը:
Մանրամասները՝ տեսանյութում:
