09.06.2026 | 10:00
2025 թվականի պետբյուջեի կատարողականի նախնական քննարկումներն ԱԺ-ում. ՈՒՂԻՂ
Հայտնաբերվել է 10 տարի առաջ գողացված Պաբլո Պիկասոյի կտավը
Քաղաքականություն
29.06.2021 | 21:10
Հունաստանի ոստիկանությունը հայտնաբերել է իսպանաֆրանսիական ծագումով հռչակավոր նկարիչ Պաբլո Պիկասոյի վրձնին պատկանող «Կնոջ գլուխը» նկարը, որն առևանգվել էր ավելի քան 10 տարի առաջ Աթենքի ազգային պատկերասրահից։ Հունական Proto Thema պարբերականի փոխանցմամբ՝ գողը, ենթադրաբար, 49-ամյա տեղացի է։
Պիկասոյի աշխատանքը հայտնաբերվել է նիդերլանդացի նկարիչ Պիտ Մոնդրիանի «Հողմաղաց» կտավի հետ, Աթենքից 50 կմ հեռավորությամբ, գրում է DW-ի ռուսական ծառայությունը։
Լրատվամիջոցների տեղեկություններով՝ Պիկասոյի նկարը վնասված է։ Երկրի մշակույթի ու սպորտի նախարարությունում հաստատել են այն գտնելու փաստը։
Հավելենք, որ ոստիկանությունը նկարի անհետացման գործով հետաքննությունը վերսկսել է 2020 թվականի փետրվարին, երբ պարզ է դարձել, որ «Կնոջ գլուխը» կտավը չի հայտնվել սև շուկայում և, ամենայն հավանականությամբ, դուրս չի բերվել Հունաստանից։ Կտավը գնահատվում է 16,5 միլիոն եվրո։
Տաթև Ֆռանգյան
