16.09.2026 | 23:17
Գեղարքունիքի մարզի մի շարք հասցեներում 24 ժամ ջուր չի լինի
Մահվան ելքով ավտովթար՝ անչափահասների մասնակցությամբ
23.06.2021 | 19:36
2021թ. հունիսի 22-ին՝ ժամը 16:50-ի սահմաններում, Վեդի քաղաքի 15-ամյա բնակիչն իր կողմից վարած «Կիա» մակնիշի ավտոմեքենայով, Վեդի-Արարատ ավտոճանապարհի 2-րդ կիլոմետրի հատվածում՝ Գոռավան գյուղի վարչական տարածքում, դուրս է եկել ճանապարհի երթևեկելի գոտուց և կողաշրջվել, որի հետևանքով ստացած մարմնական վնասվածքներից վերջինս տեղում մահացել է, ուղևորներից մեկը՝ Երևան քաղաքի 13-ամյա բնակիչը, տեղափոխվել է Վեդի քաղաքի բժշկական կենտրոն, որտեղից էլ նույն օրը՝ Երևան քաղաքի «Սուրբ Աստվածամայր» ԲԿ, իսկ մյուսը՝ ծնված 2005թ., բարեբախտաբար մարմնական վնասվածքներ չի ստացել. տեղեկացնում են ՀՀ քննչական կոմիտեից
Դեպքի առթիվ Արարատի մարզային քննչական վարչության Վեդիի քննչական բաժնում հարուցվել է քրեական գործ՝ ՀՀ քրեական օրենսգրքի 242-րդ հոդվածի 2-րդ մասի հատկանիշներով:
Նախաքննության ընթացքում կատարվել են մի շարք քննչական գործողություններ՝ հարցաքննություններ, դեպքի վայրի զննություն, վերցվել են փորձանմուշներ, առգրավվել են տուժածների հագին վթարի պահին եղած հագուստները, նշանակվել են դիակի դատաբժշկական և դատաբժշկական փորձաքննություններ:
