16.04.2026 | 23:27
Ինչ իրավիճակ է Հայաստանի ճանապարհներին և Լարսում
Ճապոնացիների միայն մեկ երրորդն է կողմ Օլիմպիական խաղերի անցկացմանը
Քաղաքականություն
22.06.2021 | 22:44
Ճապոնացիների միայն մեկ երրորդն է կողմ Օլիմպիական խաղերի անցկացմանը։ Այս մասին են վկայում նոր հարցումների արդյունքները, գրում է «Ամերիկայի ձայնը»:
Սա ավելի շատ է, քան մայիսին գրանցված 14%-ը, սակայն մեծ մասը կգերադասեր դրանց չեղարկումը կամ տեղափոխումը։ Հարցումը համահունչ է այլ ուսումնասիրությունների հետ, որոնք ցույց են տալիս, որ Տոկիոյի Օլիմպիական խաղերի ընդդիմադիրները, հուլիսի 23-ին խաղերի բացումից մեկ ամիս առաջ, մի փոքր մեղմել են իրենց մոտեցումները։
Ըստ Asahi Shimbun թերթի հարցման՝ կորոնավիրուսի պատճառով հետաձգված Օլիմպիական խաղերի անցկացման աջակիցների թիվը հասել է 34 տոկոսի: Սակայն 32 տոկոսը նախկինի նման կողմ է խաղերի չեղարկմանը, իսկ 30 տոկոսը՝ հետաձգմանը։ Մեկ ամիս առաջ այս ցուցանիշը, համապատասխանաբար, 43 և 40 տոկոս էր։
Տաթև Ֆռանգյան
