14.12.2025 | 21:40
Ոստիկանությունը ձերբակալել է Բրաունի համալսարանում կրակ բացելու մեջ կասկածվողին
Բյուջեի հարկային եկամուտներն աճել են 2.4%-ով․ փոփոխությունները՝ ըստ տարիների
Տնտեսություն
18.06.2021 | 22:50
2021 թվականի առաջին 4 ամիսներին, նախորդ տարվա նույն ժամանակահատվածի համեմատ, բյուջեի հարկային եկամուտներն աճել էն 2․4%-ով։ Այս մասին տեղեկանում ենք Պետական եկամուտների կոմիտեի հրապարակած տվյալներից։
ՀՀ պետական բյուջե հաշվեգրված հարկերն ու պետական տուրքերը հունվար-ապրիլ ամիսներին կազմել են 512 միլիարդ 963.6 մլն դրամ, իսկ նախորդ տարվա նույն ժամանակահատվածում՝ 500 միլիարդ 706.9 մլն դրամ։ Այսպիսով, 1 տարում բյուջե մուտքագրված հարկերն ու տուրքերը աճել են 12 միլիարդ 256,7 մլն դրամով կամ 2.4%-ով։
Հաշվի առնելով, որ 2020 թվականի մարտից Հայաստանում կորոնավիրուսով պայմանավորված որոշակի սահմանափակումներ էին գործում, 2021 թվականի առաջին 4 ամիսները համեմատենք նաև 2019 թվականի նույն ժամակահատվածի հետ․ այս տարի, նախորդ տարվա նույն ժամակահատվածի համեմատ, ՀՀ բյուջե մուտքագրված հարկային եկամուտներն ու տուրքերն ավելացել են 46 միլիարդ 652 մլն դրամով կամ 9%-ով։
Աս տարվա հունվար-ապրիլ ամիսներին ՀՀ բյուջե մուտքագրված 512 միլիարդ 963.6 մլն դրամ հարկային եկամուտներից ու տուրքերից 89 միլիարդ 811.2 մլն-ը շահութահարկն է, 144 միլիարդ 850,9 մլն դրամ՝ եկամտահարկը, 13 միլիարդ 259 մլն դրամը՝ շրջանառության հարկը։
Անժելա Պողոսյան
