26.06.2026 | 23:30
Հունիսի 29-ին Հայաստանի մի շարք հասցեներում էլեկտրաէներգիայի անջատումներ կլինեն
Արսեն Դավթյանը դատապարտվեց 7 տարվա ազատազրկման, իսկ Ռազմիկ Աբրահամյանի նկատմամբ պատիժը պայմանականորեն չի կիրառվի
Հասարակություն
18.06.2021 | 15:12
Երևանի ընդհանուր իրավասության դատարանը, դատավոր Արտուշ Գաբրիելյանի նախագահությամբ, մեղավոր է ճանաչել ԱՆ նախկին փոխնախարար Արսեն Դավթյանին և Ռազմիկ Աբրահամյանին։
Հայաստանի նախկին գլխավոր մանկաբարձ-գինեկոլոգ Ռազմիկ Աբրահամյանը դատապարտվել է երեք տարի ժամկետով ազատազրկման, սակայն դատարանը նրա նկատմամբ պատիժը պայմանականորեն չի կիրառել՝ սահմանելով 2 տարի ժամկետով փորձաշրջան։
Արսեն Դավթյանը դատապարտվել է 7 տարի ժամկետով ազատազրկման՝ առանց գույքի բռնագանձման, նա կմնա ազատության մեջ՝ մինչ դատարանի որոշման օրինական ուժի մեջ մտնելը։ Ըստ մեղադրական եզրակացության՝ Արսեն Դավթյանը, հանդիսանալով պաշտոնատար անձ, առանձնապես խոշոր չափերով կաշառք է ստացել ծառայության գծով հովանավորչություն ցուցաբերելու և իր պաշտոնեական դիրքն օգտագործելով որոշակի գործողություններ կատարելուն նպաստելու համար:
Ռազմիկ Աբրահամյանին էլ մեղադրանք է առաջադրվել այն բանի համար, որ նա ՀՀ Առողջապահության նախարարության պաշտոնատար անձ հանդիսացող, ի պաշտոնե մոր ու մանկան առողջության պահպանման կազմակերպման աշխատանքները և առողջապահական համակարգի՝ նախարարության միջոցով իրականացվող ֆինանսավորման աշխատանքները համակարգող, ՀՀ առողջապահության նախարարի տեղակալ Արսեն Դավթյանին տվել է առանձնապես խոշոր չափերով՝ 3 հազարի դոլարի կաշառք:
Լիլիթ Շաբոյան
