16.04.2024 | 20:05
Պռոշյան գյուղում տեղի են ունենալու ՀՀ ՊԵԿ վարչական շենքի պայթեցման աշխատանքներ
Քարվաճառում ադրբեջանցի սպան խեղդվել է լճում
17.06.2021 | 21:21
Ադրբեջանական բանակի սպան խեղդվել է լճում։ Ադրբեջանական լրատվամիջոցները, վկայակոչելով Պաշտպանության նախարարությանը, հաղորդում են, որ Արցախի գրավյալ Քարվաճառի շրջանում, Ալ լճում լողալիս խեղդվել է կապիտան Իլհամ Ֆարզալիևը։
Նշվում է նաև, որ Ֆազալիևը Արցախյան պատերազմի մասնակից է։ Դեպքի առիթով հարուցվել է քրեական գործ։
Հիշեցնենք, որ նախօրեին էլ Արցախի գրավյալ Քաշաթաղի՝ Լաչինի շրջանում ավտովթարի հետևանքով երկու ադրբեջանցի զինծառայող էր մահացել։ «Ադրբեջանի Պետական սահմանապահ ծառայության Ղուբաթլու» սահմանային դիվիզիայի տարածքում տեղի էր ունեցել ճանապարհատրանսպորտային պատահար։ Զորամաս վերադառնալիս բեռնատարը, կորցնելով կառավարումը, ընկել էր կիրճը, որի հետևանքով մահացել էին մեքենայում գտնվող զինծառայողները՝ ավագ լեյտենանտ էլմեդդին Նասիբովն ու ենթասպա Ջամալ Ջամալին։
Էմմա Չոբանյան
