30.06.2026 | 09:48
Էնցո Մարեսկան` «Մանչեսթեր Սիթիի» գլխավոր մարզիչ
Զախարովայի պնդմամբ՝ հայ-ադրբեջանական սահմանին լարվածությունը հաջողվել է նվազեցնել
Քաղաքականություն
17.06.2021 | 18:46
Հայաստանի ու Ադրբեջանի սահմանին լարվածությունը վերջին շաբաթներին հաջողվել է նվազեցնել։ Այս մասին այսօր հայտարարել է ՌԴ ԱԳՆ ներկայացուցիչ Մարիա Զախարովան։
«Վերջին շաբաթներին հաջողվել է, ընդհանուր առմամբ, նվազեցնել լարվածությունը։ Սահմանային վեճի կարգավորման ուղղությամբ խորհրդակցությունները կշարունակվեն»,- նշել է ՌԴ ԱԳՆ ներկայացուցիչը։
Ռուսաստանը շարունակում է ակտիվ միջնորդական ջանքերը, որոնք ուղղված են իրավիճակի ապաէսկալացմանը, տեղեկացրել է Մարիա Զախարովան։
«Բաքվի և Երևանի հետ սերտ համակարգում է ստեղծվել Արտաքին գործերի, Պաշտպանության նախարարությունների և սահմանային ծառայությունների գծով»,- ասել է նա:
«Որպես խնդրի կայուն և երկարաժամկետ լուծում՝ մենք տեսնում ենք երկու երկրների միջև սահմանի դելիմիտացիայի աշխատանքների մեկնարկը՝ դրան հաջորդող դեմարկացիայով։ Մենք հաստատում ենք մեր պատրաստակամությունը՝ առավելագույնս ակտիվ աջակցություն ցուցաբերել այս գործընթացին»,- եզրափակել է Զախարովան։
Տաթև Ֆռանգյան
