Հասարակություն
16.06.2021 | 22:23
Այսօր ժամը 16:40-ի սահմաններում Արցախի գրավյալ Քաշաթաղի՝ Լաչինի շրջանում ավտովթարի հետևանքով երկու ադրբեջանցի զինծառայող է մահացել։
Տեղական լրատվամիջոցների հաղորդմամբ՝ «Ադրբեջանի Պետական սահմանապահ ծառայության Ղուբաթլու» սահմանային դիվիզիայի տարածքում տեղի է ունեցել ճանապարհատրանսպորտային պատահար։ Զորամաս վերադառնալիս բեռնատարը, կորցնելով կառավարումը, ընկել է կիրճը։
Պատահարի հետևանքով մահացել են մեքենայում գտնվող զինծառայողները՝ ավագ լեյտենանտ էլմեդդին Նասիբովն ու ենթասպա Ջամալ Ջամալլին։ Դեպքի առնչությամբ կատարվում է նախաքննություն։
Էմմա Չոբանյան
