21.12.2025 | 21:24
«Ապահովել հավասար մրցակցային պայմաններ». վարչապետը՝ ԵԱՏՄ ներքին շուկայի խոչընդոտների մասին
Զասը հայ-ադրբեջանական սահմանին երկարաժամկետ խաղաղություն հաստատելու հեռանկար է տեսնում
Քաղաքականություն
10.06.2021 | 11:11
Մենք ուշադրությամբ հետևում ենք հայ-ադրբեջանական սահմանին իրավիճակի զարգացմանը, հատկապես՝ Հայաստանի Սյունիքի մարզի սահմանամերձ շրջաններում: Այս մասին հայտարարել է ՀԱՊԿ գլխավոր քարտուղար Ստանիսլավ Զասը ՝ ելույթ ունենալով ԵԱՀԿ անվտանգության համագործակցության ֆորումում (ԱՀՖ): Այս մասին ասված է ՀԱՊԿ պաշտոնական կայքէջում հրապարակված հայտարարության մեջ։
«Ողջունում ենք պետական սահմանի գծման հարցերը խաղաղ ճանապարհով լուծելու կողմերի մտադրությունը։ Մենք տեսնում ենք այնտեղ երկարաժամկետ խաղաղություն հաստատելու հեռանկար: Միևնույն ժամանակ, իրավիճակի սրման ռիսկերը դեռ մնում են », – հայտարարել է Զասը:
Միևնույն ժամանակ նա փաստել է, որ կովկասյան տարածաշրջանում, ԼՂ հակամարտության կարգավորումից վեց ամիս անց, իրավիճակի կարգավորման հարցում դրական տեղաշարժեր են նկատվում։
«ՌԴ խաղաղապահ զորախմբի տեղակայումը, միջազգային բանակցողների ջանքերը՝ վերսկսել համապարփակ ղարաբաղյան կարգավորում, հիմք են ստեղծում երկարատև խաղաղության համար։ Իրավիճակը հետզհետե կայունանում է։ Կարևորը, որ արդեն էլ չեն կրակում»,- կարծում է ՀԱՊԿ գլխավոր քարտուղարը։
Զասը փաստել է, որ չնայած բոլոր բարդ հանգամանքներին ՝ ՀԱՊԿ պատասխանատվության գոտում հաջողվում է պահպանել վերահսկողությունը:
Ամփոփելով իր ելույթը՝ Զասը նշել է, որ ՀԱՊԿ-ը կմեծացնի իր մասնակցությունը խաղաղության ու անվտանգության ապահովման համաշխարհային ջանքերին՝ հետևողականորեն հանդես գալով միջազգային ու տարածաշրջանային հակամարտությունների խաղաղ կարգավորման կողմից։
ԵԱՀԿ ֆորումին մասնակցել են նաև ՀԱՊԿ-ում մշտական ներկայացուցիչներ Հայաստանից և Ռուսաստանից, ինչպես նաև Բելառուսի, Ղազախստանի, Ղրղզստանի և Տաջիկստանի պատվիրակությունները: Ֆորումի ընթացքում բազմազան առաջարկներ հնչեցին ՀԱՊԿ-ի և ԵԱՀԿ-ի հետ փոխգործակցության հետագա ձևերի վերաբերյալ:
Տաթև Ֆռանգյան
