14.10.2026 | 18:50
Վթարային ջրանջատում՝ Հրազդան քաղաքում
ՀՀԿ-ականները փորձում են նսեմացնել ապագա նախագահի կշիռը՝ հօգուտ ապագա վարչապետի. Կարեն Ավագյանը զայրացրել է Արմեն Սարգսյանին. «Հրապարակ»
24.02.2018 | 08:58
Հրապարակ» օրաթերթը գրում է.
ՀՀ նախագահի թեկնածու Արմեն Սարգսյանի եւ ՀՀԿ-ՀՅԴ խմբակցությունների երեկվա հանդիպումն ընթացել է «ջան-ջիգյար» մթնոլորտում։ Պատգամավորները, հատկապես Շիրակ Թորոսյանը, դիֆերամբներ են ձոնել Սարգսյանին: Միայն հավերժ երիտասարդ Կարեն Ավագյանն է հարց տվել, որը դուր չի եկել թեկնածուին։ Նա հիշեցրել է «Շանթ»-ին տված հարցազրույցը, որտեղ թեկնածուն, անդրադառնալով ՀՀ նախագահի լիազորություններին, ասել է․ «Հասկանալի է, որ հանրապետության նախագահն իր գործունեության ոլորտում պետք է պահի Սահմանադրության ե՛ւ տառը, ե՛ւ բառը: Սակայն շատ լավ գիտենք, որ նույն տառերով, նույն բառերով կարող ես տարբեր նախադասություններ գրել եւ տարբեր մտքեր արտահայտել՝ ե՛ւ լավ, ե՛ւ վատ»։
Ապա խնդրել է հստակեցնել, թե ինչ նկատի ուներ Սարգսյանը։ Վերջինս դյուրագրգիռ պատասխանել է, որ ինքը շատ տեղ շատ բան է ասել, որն այս պահին չի հիշում, բայց նշել է․ «Միայն կարող եմ ասել, որ ես աշխատելու եմ Սահմանադրության տառին համապատասխան»։ Բանն այն է, որ ՀՀԿ-ականները համառորեն փորձում են նսեմացնել ապագա նախագահի կշիռը՝ հօգուտ ապագա վարչապետի»։
Առավել մանրամասն՝ թերթի այսօրվա համարում:
