17.09.2026 | 10:00
Ազգային ժողովի նիստը՝ ՈՒՂԻՂ
Թափառող շները՝ տարեց կնոջ մահվան պատճառ․ արտակարգ դեպք Արագածոտնի մարզում
09.06.2021 | 16:00
Երեկ՝ հունիսի 8-ին, «Արմենիա» ԲԿ վերակենդանացման բաժանմունքում մահացել է Արագածոտնի մարզի Սասունիկ համայնքի 84-ամյա բնակիչ Ս․Բզնունին։
Համայնքի ղեկավար Ա. Մարգարյանը Factor.am-ի հետ զրույցում հայտնեց, որ կինը խաղողի իր այգում աշխատանքներ իրականացնելիս է եղել, երբ թափառող շները հարձակվել են նրա վրա։ Հարձակման հետևանքով կինը ծանր վնասվածքներ է ստացել։
«Հարևանները նկատել են, զանգահարել շտապօգնության ծառայություն ուղեկցել ենք հիվանդանոց, բայց, ցավոք, վերակենդանացման բաժանմունքում մահացել է»,- նշեց համայնքապետը։
Հարձակման դեպքը տեղի էր ունեցել հունիսի 7-ին, «Աշտարակ» ԲԿ տեղափոխված կնոջ մոտ ախտորոշվել էր «շան կծած վերքեր, տրավմատիկ շոկ»։ 84-ամյա կնոջը Աշտարակից տեղափոխել էին «Արմենիա» ԲԿ վերակենդանացման բաժանմունք, սակայն կյանքը փրկել չէր հաջողվել։
Մերի Մանուկյան
