10.09.2026 | 23:04
ԿԳՄՍ նախարարը մանկավարժների հետ ոլորտային հարցեր է քննարկել
4 կմ անցնում էի, որ պարի դասերի գնայի․ Բերձորի պարի խմբի երեխաները Երևանում պարելու տեղ չունեն․ ՏԵՍԱՆՅՈՒԹ
Հասարակություն
08.06.2021 | 21:50
Ալվարդ Աբովյանը Քաշաթաղի Բերձոր քաղաքի պարային խմբի սաներից է։ 9 ամիս էր՝ այս մենապարը չէր պարել։
Կարոտել է նաև պարի դասերին, որ արդեն 9 ամիս է, ինչ ընդհատված են։ Ալվարդը Աննա Մովսեսյանի սաներից է։ Պարի նախկին ուսուցիչն ու այսօր գործազուրկ Աննան 21 տարի առաջ էր Վայքից տեղափոխվել Բերձոր, 2020թ-ի սեպտեմբերի 27-ին Բերձորից վերադարձավ Վայք, իսկ հիմա Երևանում է։
Իր երեխաների մասին պատմելուց հետո թվարկում է աշակերտների անունները։ Նրանք էլ են Հայաստանում, բայց տարբեր շրջաններում են ապրում։ 2 անգամ են հանդիպել՝ Հայաստանում, 2 անգամ էլ համերգ են տվել՝ Քաշաթաղի արվեստի շունչը ցույց տալու համար։
Հիմա էլ աշակերտները կան, բայց պարապմունքի տեղ չկա։ Երեխաներից 7-ին կանչել էր իր տուն՝ բակում փորձեր անելու․ այլ տեղ ու տարբերակ չունեն։
Իրենց մանկությունից ու պարի դասերից մնացել են լուսանկարները, տարազներն ու այս պատվոգրերը։ Հուսով են՝ դեռ կավելացնեն։ Լիլիթը, Մարիամը, Անին, Մոնյան և Աննայի դուստրը՝ Հռիփսիմեն, կշարունակեն պարել։ Եթե հնարավորություն ունենան՝ միասին։ Տիկին Աննան դիմել է մի քանի տեղ՝ Քաշաթաղի պարի համույթի դասերը վերսկսելու համար։ Վարձով տան պայմանները թույլ չեն տալիս, իսկ մյուս տարածքներում վարձավճարը բարձր է։
Մանրամասները՝ տեսանյութում։
Իրինա Մկրտչյան
