15.03.2026 | 15:45
Սլովակիան հանել է Ռուսաստանի դեմ ԵՄ պատժամիջոցների արգելափակումը
Ընկերներիս հետ նստած էի, տեսա՝ մի կին նկարում է. Հայկ Սարգսյանը՝ լրագրողի հետ միջադեպի մասին. ՏԵՍԱՆՅՈՒԹ
Հասարակություն
04.06.2021 | 12:57
«Իմ քայլը» խմբակցության պատգամավոր Հայկ Սարգսյանը երեկ հայտնվել էր միջադեպի առանցքում. խլել էր «Հրապարակ» օրաթերթի լրագրող Անուշ Դաշտենցի հեռախոսն ու հեռացել:
ԱԺ-ում լրագրողների հետ զրույցում Հայկ Սարգսյանը պարզաբանեց՝ ինչ է տեղի ունեցել. «Երեկ երեկոյան՝ ժամը 7-ի սահմաններում, երբ ես ոչ աշխատանքային ժամի քաղաքում էի, ընկերներիս հետ, նկատեցի, որ մի կին ինձ ու իմ ընկերներին հեռվից նկարում է, մոտենում է ինձ ու ընկերներիս՝ նկարելով: Դա, բնականաբար, հաճելի չէր ո՛չ ինձ, ո՛չ իմ ընկերներիս համար:
Այնուհետև տվյալ կինը մոտենում է ինձ՝ նկարելով: Ասաց՝ բարև ձեզ, ես «Հրպարակ» օրաթերթից եմ: Ես ասացի՝ խնդրում եմ, մի՛ նկարահանեք, բայց նկարելով՝ շարունակում էր հարցեր ուղղել։ Ես ասացի՝ խնդրում եմ, մի նկարահանեք, ես աշխատանքի ժամի չեմ, գործի տեղում չեմ։ Իմ սահմանադրական իրավունքն է շրջել քաղաքում, և որևէ մեկը չի կարող իմ ազատությունը սահմանափակել, ինչպես բոլորինը։ Ես, պատգամավոր լինելուց բացի, առաջին հերթին ՀՀ քաղաքացի եմ և պաշտպանված եմ ՀՀ Սահմանադրությամբ և օրենքներով»,-ասաց պատգամավորը:
Հայկ Սարգսյանը նշեց, որ ինքն ասել է, որ չի ցանկանում հարցերի պատասխանել, բայց լրագրողը շարունակել է հարցեր ուղղել. «Ես հեռախոսը վերցնում եմ, ջնջում եմ տվյալ հոլովակը, որ նկարել էր իմ կամքից անկախ: Հետո հեռախոսը տվել եմ իմ գործընկերներից մեկին, խնդրել եմ փոխանցել ու ասել, որ նա իրեն լրագրողին հարիր կերպով պահի»,- ասաց «Իմ քայլի» պատգամավորը՝ հրաժարվելով պատասխանել այլ հարցերի:
Մանրամասները՝ տեսանյութում:
