14.12.2024 | 10:16
Սպիտակի և Ստեփանավանի ոլորանները փակ են կցորդիչով բեռնատարների համար
Ադրբեջանի ՊՆ-ն ՀՀ տարածք ներթափանցելու սադրանքը հակակշռելու նպատակով է նման ապատեղեկատվություն տարածում. ՀՀ ՊՆ
02.06.2021 | 15:58
Ադրբեջանի պաշտպանության նախարարությունը հերթական ապատեղեկատվությունն է տարածել, ըստ որի՝ հունիսի 1-ի երեկոյան 40 հայ զինծառայող հատել է Ադրբեջանի սահմանը, ինչից հետո Ադրբեջանի զինված ուժերի ստորաբաժանումները «ստիպել են նրանց վերադառնալ ելման դիրքեր»։ Այս մասին հաղորդում է ՀՀ Պաշտպանության նախարարությունը։
«Ակնհայտ է, որ նմանատիպ ապատեղեկատվությունն ադրբեջանական ռազմաքաղաքական ղեկավարությունը շրջանառության մեջ է դնում ՀՀ զինված ուժերի կողմից հայ-ադրբեջանական սահմանային իրադրությունը սրելու փորձերի վերաբերյալ միջազգային հանրության շրջանում տպավորություն ստեղծելու, և Ադրբեջանի ԶՈՒ կողմից մայիսի 12-ին և 13-ին Հայաստանի Հանրապետության տարածք ներթափանցելու սադրանքը հակակշռելու նպատակով»,- ասվում է հաղորդագրությունում։
Նշենք, որ Ադրբեջանի ՊՆ-ն այսօր հայտարարել է, թե Հայաստանի ԶՈՒ 40 զինծառայողներ, իբր, փորձել են դիրքավորվել Քարվաճառի շրջանում։ Լուրը տարածել էին նաև ռուսական լրատվամիջոցները։
