15.01.2025 | 22:00
ԵՏՄ-ից դուրս գալու հայտ ՀՀ-ն չի ներկայացրել․ այս պահին դրանից խոսելը ժամանակավրեպ է․ Ծովինար Վարդանյան. ՏԵՍԱՆՅՈՒԹ
Գերիների խոշտանգումների տեսանյութերը թարգմանվել են և փոխանցվել միջազգային գործընկերներին․ ՄԻՊ խորհրդական. ՏԵՍԱՆՅՈՒԹ
Հասարակություն
02.06.2021 | 15:53
Ադրբեջանում պահվող հայ գերիներին անհապաղ և առանց նախապայմանների ազատ արձակելու մասին միջազգային կառույցներից հնչող հայտարարություններն արհամարհելով՝ Բաքուն հունիսի 2-ին մեկնարկել է երկու հայ ռազմագերիների դատավարությունը։
Ըստ պաշտոնական Բաքվի՝ Եղեգիս համայնքի բնակիչ Լյուդվիգ Մկրտչյանը և Կապանի բնակիչ Ալյոշա Խոսրովյանը միասին կատարել են ռազմական հանցագործություններ։ Նրանք մեղադրվում են պատերազմի կանոնները խախտելու, Ադրբեջանի պետական սահմանը անօրինական անցնելու, զինված խմբավորում ձևավորելու համար։
Այս թեմայի շուրջ կազմակերպված առցանց քննարկման ժամանակ ՀՀ մարդու իրավունքների պաշտպանի խորհրդական Սերգեյ Ղազարյանը նշեց, որ պատերազմական ակտիվ գործողությունների դադարեցումից անմիջապես հետո, ըստ միջազգային հումանիտար իրավունքի պահանջների, պետք է բոլոր ռազմագերիներն անհապաղ ազատ արձակվեին: Նրա խոսքով՝ շատերը հղում են անում նոյեմբերի 9-ի հայտարարությանը, որը, սակայն, որևէ էական նշանակություն չունի միջազգային հումանիտար իրավունքի տեսանկյունից:
Ղազարյանն անդրադառնալով ՄԻՊ գրասենյակի կատարած աշխատանքներին, նշեց. «Ադրբեջանական սոցիալական ցանցերում ակտիվ տարածվել են տեսանյութեր, որոնց մեջ հայ քաղաքացիական անձինք և ռազմագերիները ենթարկվել են վատ, արժանապատվությունը նվաստացնող վերաբերմունքի և խոշտանգման, որոշ քաղաքացիական անձանց նույնիսկ գլխատել են: Սա քննարկման ենթակա է նաև գերիների վերադարձի համատեքստում, առավել ևս այն դեպքում, երբ Ադրբեջանը չի հայտարարում, թե ովքեր են այս պահին գտնվում Ադրբեջանում, և հայ ռազմագերիների անվտանգությունը լուրջ վտանգի տակ է հայտնվում»:
«Հավաքագրված տեսանյութերը ադրբեջաներենից ու թուրքերենից թարգմանվել են անգլերեն, որոշները նաև ռուսերեն և տարածվել են, ուղարկվել միջազգային գործընկերներին»,- նշեց Ղազարյանը:
ՄԻՊ խորհրդականի խոսքով՝ տեսանյութերում, բացի գերիների հանդեպ վերաբերմունքից, նաև պատերազմական հանցագործությունների մասին վկայող փաստեր կան, օրինակ՝ արգելված զինատեսակների կիրառման մասին, մշակութային և կրոնական կոթողների նկատմամբ հարձակումների վերաբերյալ և այլն:
Մանրամասները՝ տեսանյութում:
