19.12.2025 | 23:07
Պետությունը շարունակելու է աշխատանքներ իրականացնել սոցբնակարանային ֆոնդի ընդլայնման ուղղությամբ. ԱՍՀ նախարար
Նախընտրական 27 հանցագործության դեպքերով նյութեր են նախապատրաստվում. փոխոստիկանապետ. ՏԵՍԱՆՅՈՒԹ
Հասարակություն
01.06.2021 | 15:48
«Ընտրակաշառքի վերաբերյալ այս պահի դրությամբ որևէ ռեալ դեպք չի արձանագրվել: Նախընտրական փուլում հանցագործությունների վերաբերյալ 27 դեպքով նյութեր են նախապատրաստվում և ուսումնասիրություններ են կատարվում»,- լրագրողների հետ զրույցում այս մասին տեղեկացրեց ՀՀ ոստիկանապետի տեղակալ Արա Ֆիդանյանը:
Նա նաև հավելեց, որ այդ դեպքերից 14-ը վերաբերել են նախընտրական պաստառներ վնասելուն. «14-ից 12-ը Ռոբերտ Քոչարյանին պատկանող պաստառներ են, դրանիցից 5 դեպք արդեն իսկ բացահայտվել է»,- նշեց Ֆիդանյանը՝ հավելելով, որ 5-ն էլ տարբեր անձինք են, այդ թվում նաև անչափահաս:
Փոխոստիկանապետի խոսքով՝ ոստիկանությունն ուսումնասիրում է քաղաքական ուժերի հայտարարությունները, որոնք առնչություն ունեն հասարակական կարգի անվտանգությանը:
«Պաստրաստվում ենք այն բոլոր գործողություններին, որոնք արվում են՝ հասարակության շրջանում համապատասխան աշխատանքներ տանել և այլն: Քրեական օրենսգրքի համապատասխան հոդվածների մեկնաբանություններ են տրվում: Կարծում եմ՝ հանդիպումների շարք կձեռնարկենք բոլոր կուսակցությունների ներկայացուցիչների հետ, իրենց ցանկությամբ, թե՛ կանխարգելիչ, թե՛ այլ բնույթի հարցերի քննարկման համար»,- նշեց Ֆիդանյանը:
Մանրամասները՝ տեսանյութում:
