26.04.2026 | 21:21
Իրավիճակը Մալիում․ մահացել է պաշտպանության նախարարը, երկրում թեժ մարտեր են
Զախարովան հայտարարել է, թե հայ-ադրբեջանական սահմանային իրավիճակն առնչություն չունի ԼՂ խնդրի հետ
Քաղաքականություն
26.05.2021 | 19:55
Ռուսաստանը պատրաստ է աջակցել հայ-ադրբեջանական սահմանին հակամարտության կարգավորմանը, ինչպես նաև նպաստել սահմանի դելիմիտացիայի գործընթացին։ Այս մասին հայտարարել է ՌԴ ԱԳՆ պաշտոնական ներկայացուցիչ Մարիա Զախարովան՝ մեկնաբանելով Հայաստանի ու Ադրբեջանի սահմանին տիրող իրավիճակը։
«Ինչ վերաբերում է սահմանային իրավիճակին, ապա այն առնչություն չունի Լեռնային Ղարաբաղի խնդրի հետ։ Մայիսի 12-ին տեղի ունեցածի հիմնական պատճառը հայ-ադրբեջանական սահմանի՝ միջազգային իրավական ձևակերպման բացակայությունն է, որը ժառանգություն է մնացել դեռևս խորհրդային ժամանակներից։ Մենք ելնում ենք այն հանգամանքից, որ նման իրավիճակները պետք է լուծվեն բացառապես խաղաղ ճանապարհով, որպես երկարաժամկետ լուծում մենք տեսնում են հայ-ադրբեջանական սահմանի դելիմիտացայի գործընթացի մեկնարկը՝ դրան հաջորդող դեմարկացիայով։ Ռուսաստանը պատրաստ է օգնել դրանում»,- ասել է Զախարովան։
Նա նաև նշել է, որ Ռուսաստանն ակտիվորեն մասնակցում է Բաքվի ու Երևանի միջև հարաբերությունների կարգավորման գործընթացին և բարձր մակարդակով կանոնավոր շփումներ ունի երկու երկրների հետ։
«Ռուս խաղաղապահները երաշխավորում են խաղաղությունն ու անվտանգությունը Լեռնային Ղարաբաղում: Եռակողմ աշխատանքային խումբը, որը համանախագահում են Ռուսաստանի, Ադրբեջանի և Հայաստանի փոխվարչապետները, զբաղվում է տարածաշրջանում տրանսպորտային և տնտեսական կապերի ապաշրջափակումով: Ռուսաստանը սերտորեն ներգրավված է հայ-ադրբեջանական սահմանի միջադեպի լուծմամբ, նպաստում է լարվածության նվազմանը»,- ասել է ՌԴ ԱԳՆ պաշտոնական ներկայացուցիչը։
Նա նաև ընդգծել է, որ տարածաշրջանում կան չլուծված մի շարք խնդիրներ, որոնք պահանջում են լրացուցիչ ջանքեր՝ շուտափույթ լուծման համար։ Դա ներառում է ռազմագերիների ու այլ պահվող անձանց վերադարձը, միջազգային հումանիտար կազմակեպությունների ներկայացուցիչների համար ԼՂ մուտքի արգելքի սահմանափակումների հանումը, ինչպես նաև տարածաշրջանում կրոնական ու մշակութային ժառանգության պաշտպանությունն ու պահպանումը։
Էմմա Չոբանյան
