18.11.2024 | 14:16
Վստահ եմ, որ ՆԳ նախարարությունը կշարունակի առաջնորդվել մեր որդեգրած բարձր արժեքներով և սկզբունքներով․ Վահե Ղազարյան
Տարվա սկզբից զորամասերում ունենք 11 զինվորի մահվան դեպք, որից 4-ը՝ ինքնասպանության հիմքով․ Սաքունց. ՏԵՍԱՆՅՈՒԹ
Հասարակություն
26.05.2021 | 14:08
Տարվա սկզբից մինչ օրս ՀՀ զինված ուժերում ունենք 11 զոհ, որից 4-ը ինքնասպանության հասցնելու հիմքով: Այս մասին «Մահվան դեպքեր բանակում՝ պատերազմից հետո» թեմայով առցանց քննարկման ժամանակ հայտնեց Հելսինկյան քաղաքացիական ասամբլեայի Վանաձորի գրասենյակի ղեկավար Արթուր Սաքունցը:
«Դա վկայում է Զինված ուժերում տիրող իրավիճակի մասին»,- նշեց Սաքունցը: Նրա խոսքով՝ ՊՆ-ն ու Գլխավոր շտաբը պատերազմից հետո մեծ անելիքներ ունեն. պետք է վերակազմավորեն զինված ուժերը, վերականգնեն զինվորական ծառայության պաշտպանության համար անհրաժեշտ վիճակը:
Սաքունցի դիտարկմամբ՝ մահացության դեպքերն ուսումնասիրելիս պարզ է դառնում, որ բանակում բարոյահոգեբանական «խայտառակ վիճակ է»:
«Պատերազմից հետո պետք է բանակում լուրջ աշխատանք կատարել՝ բարոյահոգեբանական վիճակը փոխելու համար: Հանրությունն ակնկալում է ակտիվ գործողություներ և խոսքը միայն սպառազինության մասին չէ, զորակոչվածների ծառայության պայմանների վերանայման և վերաբերմունքի արմատական փոփոխություն է պետք»,- ընդգծեց Սաքունցը:
Մանրամասները՝ տեսանյութում:
