27.06.2026 | 01:34
5.5 մլրդ դոլար. աշխարհի ամենաթանկ ստադիոնում ԱՄՆ-Թուրքիա հանդիպման ետնաբեմը Factor TV-ի թղթակցի աչքերով
«Մեկ օր անվասայլակով». հաշմանդամության մասին իրազեկման ֆլեշմոբ՝ Երևանում. ՏԵՍԱՆՅՈՒԹ
Հասարակություն
25.05.2021 | 16:35
«Հույսի կամուրջ» ՀԿ-ի նախաձեռնությամբ և «ՔայլՏեք» ընկերության հետ համագործակցությամբ այսօր Երևանում անցկացվեց «Մեկ օր անվասայլակով» խորագրով ֆլեշմոբ՝ մարդկանց ցույց տալու հաշմանդամություն ունեցող անձանց խնդիրները, դժվարությունները քաղաքում տեղաշարժվելիս։
Ֆլեշմոբի ընթացքում Հայաստանի ազգային ֆիլհարմոնիկ նվագախմբի հաշմանդամություն չունեցող երաժիշտներն անվասայլակներով տեղաշարժվեցին՝ սեփական փորձով տեսնելու դժվարությունները, որոնց ամեն օր բախվում են հաշմանդամություն ունեցող անձինք։
Նախաձեռնությունը մեկնարկեց Ազատության հրապարակից՝ հասնելով մինչև Կոնսերվատորիային հարակից Կոմիտասի անվան պուրակ։
Երաժիշտների խոսքով՝ անգամ ֆիզիկական որևէ խնդիր չունենալով՝ դժվարանում են անվասայլակը կառավարել, նաև շեշտում են՝ թեքությունները հաղթահարելն է հատկապես դժվար։
Նշենք, որ նախաձեռնությանը մասնակցում էին նաև «ՔայլՏեք» ընկերության հատուկ կցորդիչով անվասայլակները։ Ընկերությունը դեռ 2 նման անվասայլակ է պատրաստել։
Մանրամասները՝ տեսանյութում։
Իրինա Մկրտչյան
