20.12.2025 | 20:00
100,000 ռուբլի՝ ՀՀ-ում լրտեսության համար․ ՌԴ քաղաքացիները Հայաստանում տվյալներ են հավաքել․ ՏԵՍԱՆՅՈՒԹ
Ադրբեջանցիների 2 ջոկ զոռով մտել էր Խոզնավարի վարչական տարածք. համայնքապետը մանրամասնում է
21.05.2021 | 16:02
Այսօր լուրեր շրջանառվեցին, որ թշնամին առաջ է եկել նաև Սյունիքի Սև լճի ուղղությամբ Տեղ խոշորացված համայնքի Խոզնավար բնակավայր։ Տեղի համայնքապետ Ներսես Շադունցը Factor TV-ի հետ զրույցում հաստատեց տեղեկությունը։
«Իրավիճակը երեկ՝ գիշերվա դրությամբ, կարգավորեցինք մեր բանակային կորպուսի և մեր գյուղի ջոկատի տղաների հետ միասին։ Հիմա ամեն ինչ նորմալ է։ Իրենք թողել, գնացել են իրենց տեղը, ավելի ճիշտ՝ ուղարկել ենք»,- հայտնեց համայնքապետը։
Շադունցը շեշտեց՝ ադրբեջանցիները մտել են ոչ թե գյուղ, այլ վարչական տարածք։ «2 ջոկ զոռով մտել էին տարածք. հասցրել ենք մի ջոկը կիսել, մի հատվածին հետ ենք տվել, մի հատվածն էլ գնացել է»,-մանրամասնեց նա։
Հիմա, համայնքապետի խոսքով՝ իրավիճակը 2 օր առաջվա նման նորմալ է։ Factor TV-ն այս կապակցությամբ դիմել էր նաև պաշտպանության նախարարություն, որտեղից նշեցին. «Տեղեկությունը ճշտվում է»։
Հիշեցնենք, որ 10 օր է՝ ադրբեջանցի զինվորները գտնվում են ՀՀ սուվերեն տարածքում՝ Սյունիքի մարզի Սև լճի տարածքում և հրաժարվում են հեռանալ։ Վարչապետի պաշտոնակատար Նիկոլ Փաշինյանը հայտնեց, որ նրանց թիվը 500-600-ի սահմանում է։
Մերի Մարտիրոսյան
