Քաղաքականություն
20.02.2018 | 20:27Այսօր Ղարաբաղյան շարժման 30-ամյակին նվիրված ՀԱԿ-ի կազմակերպած հանրահավաքին ներկա էր նաև «Ելք» խմբակցության ղեկավար Նիկոլ Փաշինյանը։ Նա խոսելով հանրահավաքի մասին ասաց․ «Սա մեր հրապարակն է, Ազատության հրապարակն է, և մենք այստեղ ենք լինելու այնքան ժամանակ քանի դեռ չի կերտվել այն Հայաստանը, որի իդեալով մարդիկ հավաքված էին այստեղ 30 տարի առաջ, 20 տարի առաջ, 10 տարի առաջ»։
Անդրադառնալով Սերժ Սարգսյանի շնորհավորական ուղերձին՝ որում նա մեջբերել էր ազգային հերոս Մոնթե Մելքոնյանի խոսքերը, Փաշինյանն ասաց․ «Վերջին շրջանում, երբ պետք է արժեքային ինչ-որ բան ասել, Սերժ Սարգսյանը միշտ դիմում է ինչ-որ մեկին ցիտելուն՝ Լեոնիդ Ազգալդյանին, Մոնթե Մելքոնյանին, Վազգեն Սարգսյանին։ Ինձ հետաքրքիր է՝ ընդհանրապես նա սեփական արտադրության նախադասություններ ունի, որոնք ինչ-որ արժեքային բան ունեն»։
Մանրամասները՝ տեսանյութում:
