21.02.2026 | 15:17
Օդի ջերմաստիճանը ողջ հանրապետությունում կնվազի ևս 5-8 աստիճանով
ԵնթաԴՐՈՒԹՅՈՒՆ. Ահաբեկչության աջակիցների դեմ պայքա՞ր, թե՞ պայքարող անձանց ճնշելու միջոց
Քաղաքականություն
20.02.2018 | 20:19
Արդարադատության նախարարությունն առաջարկում է քրեականացնել ահաբեկչության, ահաբեկչության ֆինանսավորման և միջազգային ահաբեկչության հանցագործություն կատարելու հրապարակային կոչերը: Այլ կերպ ասած՝ հրապարակայնորեն ահաբեկչությունն արդարացնողները կամ քարոզողները կպատժվեն տուգանքով` նվազագույն աշխատավարձի հինգհարյուրապատիկից հազարապատիկի չափով կամ կալանքով` երկուսից երեք ամիս ժամկետով կամ ազատազրկմամբ` առավելագույնը երեք տարի ժամկետով: Նախարարությունն այս փոփոխությունը հիմնավորում է հասարակական անվտանգության դեմ ուղղված հանցագործությունների ոլորտում պետության քրեական քաղաքականության խստացման, այլ հանցագործությունների կանխման անհրաժեշտությամբ:
Նկատենք, որ հատկապես վերջին տարիներին ահաբեկչության թեման հաճախ է շրջանառվում ՝ կապված Նորք-Մարաշի զինված խմբի, «Սասնա ծռերի»ընդվզման, «Իգլայի» գործի հետ։ Սոցիալական ցանցերում հաճախ են ծավալվում քննարկումներ, որոնց ընթացքում հնչում են ընդվզման դիմած խմբերին աջակցելու կոչեր։ Արդարադատության նախարարության առաջարկած այս օրենքի ընդունումն ի՞նչ հետևանքներ կարող է ունենալ։
Թեմայի շուրջ Factor.am-ը զրուցել է ԱԺ ՀՀԿ խմբակցության պատգամավոր Միհրան Հակոբյանի, ԱԺ «Ծառուկյան» խմբակցության պատգամավոր Վարդևան Գրիգորյանի, Հելսինկյան Քաղաքացիական Ասամբլեայի Վանաձորի գրասենյակի ղեկավար Արթուր Սաքունցի, ՀԱԿ փոխնախագահ Արամ Մանուկյանի և Ժուռնալիստների «Ասպարեզ» ակումբի խորհրդի նախագահ Լևոն Բարսեղյանի հետ:
Մանրամասները՝ տեսանյութում:
Շողիկ Գալստյան
