07.10.2026 | 23:48
Արթուր Դանիելյանը կալանավորվեց
Ադրբեջանական զինվորականների կողմից ՀՀ ինքնիշխան տարածք անօրինական առաջխաղացման հետևանքով սահմանային բնակիչների իրավունքների խախտումները Պաշտպանը հրատապ ներկայացրել է ԵԽ մարդու իրավունքների հանձնակատարին
Հասարակություն
19.05.2021 | 17:52
Մարդու իրավունքների պաշտպան Արման Թաթոյանը Եվրոպայի խորհրդի մարդու իրավունքների հանձնակատար Դունյա Միյատովիչի հետ ունեցել է հրատապ քննարկում, որի ընթացքում ներկայացրել է 2021թ. մայիսի 12-ին և 13-ին ադրբեջանական զինված ծառայողների կողմից ՀՀ ինքնիշխան տարածք անօրինական առաջխաղացման հետևանքով ՀՀ քաղաքացիների, առաջնահերթ` սահմանային բնակիչների իրավունքների կոպիտ խախտումները. տեղեկացնում են ՀՀ ՄԻՊ աշխատակազմից:
Պաշտպանը ԵԽ հանձնակատարին է ներկայացրել նաև Գեղարքունիքում և Սյունիքում ՀՀ մարդու իրավունքների պաշտպանի մայիսի 14-ի ու 15-ի փաստահավաք աշխատանքների արդյունքները:
Մարդու իրավունքների խախտումների լրացուցիչ մանրամասները միջազգային կառույցներին կներկայացվեն առանձին զեկույցներով ու հաղորդումներով:
