Եթե պետական կառույցները ճիշտ ժամանակին տեղեկատվություն տան, քաոսային վիճակ չի լինի․ ՄԻՊ ներկայացուցիչ. ՏԵՍԱՆՅՈՒԹ

«Հաճախ պետական մարմինների անգործության պատճառով ձևավորվում է տեղեկատվական վակուում, որն էլ լցվում է ապատեղեկատվությամբ»,- այս մասին «Ապատեղեկատվության, տեղեկատվության ու գաղտնիության սահման ազգային անվտանգության հարցերում, և վերջապես, ի՞նչ է մեդիա տեռորը» խորագրով առցանց քննարկման ժամանակ հայտարարեց Մարդու իրավունքների պաշտպանի գրասենյակի հանրային կապերի բաժնի պետ Նունե Հովսեփյանը:

«Եթե պետությունը ժամանակին ու պատշաճ կերպով չի տրամադրում ամբողջական և օբյեկտիվ ինֆորմացիա, առաջացած վակուումի պայմաններում դաշտը կարող է լցվել ապատեղեկատվությամբ: Մեր մշտադիտարկումը ցույց է տալիս, որ հատկապես ճգնաժամային իրավիճակներում հաղորդակցությունը պետական մարմինների և հասարակության միջև լրջագույն բացթողումներով է իրականացվում: Խնդիրներից մեկն այն է, որ տեղեկատվությունը չի գալիս մեկ աղբյուրից, և մարդիկ չգիտեն, որ պետական մարմնին հետևեն օպերատիվ և սպառիչ ինֆորմացիա ստանալու համար»,- նշեց Հովսեփյանը: Նա նաև հայտենց, որ բազմաթիվ են դեպքերը, երբ նույն տեղեկությունը մի պաշոնյան հաստատում է, մյուսը՝ հերքում, իսկ երրորդը կարող է բոլորովին այլ բան ներկայացնել և այդ պատճառով էլ դաշտը լցվում է ապատեղեկատվությամբ։

Նունե Հովսեփյանի դիտարկմամբ՝ ապատեղեկատվության ծավալները փոքրացնելու համար պետական մարմինները և պաշտոնյաները պետք է կարողանան ճգնաժամային կառավարման իրավիճակում անհրաժեշտ տեղեկությունը տրամադրել։

Հովսեփյանը անընդունելի համարեց «Մեդիա տեռոր» հասկացությունը՝ նշելով, որ ստեղծված իրավիճակը պետական մարմինների անգործության հետևանք է և ընդգծելով, որ եթե պետական կառույցները ճիշտ ժամանակին տեղեկատվություն տան, քաոսային վիճակ չի լինի:

Մանրամասները՝ տեսանյութում: