13.12.2024 | 23:31
Գերմանիան հավանություն է տվել 2006թ․ ի վեր զենքի ամենամեծ արտահանմանը Թուրքիա
Նազիկ Ամիրյանը դատարան չէր եկել․ նիստը հետաձգվեց
Հասարակություն
18.05.2021 | 12:43
Երևանի ընդհանուր իրավասության դատարանի Կենտրոնի նստավայրում, դատավոր Մնացական Մարտիրոսյանի նախագահությամբ, հետաձգվեց ԵԿՄ նախկին նախագահ Մանվել Գրիգորյանի և նրա կնոջ՝ Նազիկ Ամիրյանի գործով դատական նիստը:
Ամիրյանի պաշտպանները դատարանին տեղեկացրել էին, որ վերջինս առողջական խնդիրների պատճառով չի կարողանա ներկայանալ այսօրվա նիստին։ Ամբաստանյալի բացակայության հիմքով նիստը հետաձգվեց։
Հիշեցնենք՝ Մանվել Գրիգորյանի մահվանից հետո նրա ներկայացուցիչներն առարկել են քրգործը կարճելու դեմ՝ նշելով, որ պետք է հասնեն արդարացման:
Մանվել Գրիգորյանը մահացել է 2020-ի նոյեմբերի 19-ին: Նա մեղադրվում էր ապօրինի կերպով զենք-զինամթերք պահելու, ավելի քան 101 մլն դրամ յուրացնելու, ավելի քան 1 մլրդ դրամ հարկերի վճարումից խուսափելու, պետական միջոցներից ավելի քան մեկ մլրդ դրամ վատնելու և շորթմամբ 37 մլն դրամ արժողությամբ գույքի հափշտակություն կազմակերպելու համար: Նա մեղադրանքը չէր ընդունում:
Մանվել Գրիգորյանը անազատության մեջ գտնվեց մեկուկես տարի: 2020 թվականի հունվարի 15-ին նրա խափանման միջոց կալանքը փոխարինվեց չհեռանալու մասին ստորագրությամբ: Գրիգորյանն ուներ մի շարք առողջական խնդիրներ:
Նազիկ Ամիրյանը մեղադրվում է ամուսնու՝ Մանվել Գրիգորյանի, որդու՝ Արման Գրիգորյանի և քննությամբ չպարզված այլ անձանց հետ նախնական համաձայնությամբ ապօրինի կերպով իրենց պատկանող երեք տներում ռազմամթերք, պայթուցիկ նյութեր պահելու, ինչպես նաև տարբեր տեսակի հափշտակություններ կատարելու համար։
Լիլիթ Շաբոյան
