Առիթ են տվել թուրքերը. պետք է նրանց պատանդ վերցնել և փոխել մեր գերիների հետ. Վահան Բադասյան. ՏԵՍԱՆՅՈՒԹ

Factor TV-ի հարցազրույցը «Միացյալ Հայաստան» կուսակցության նախագահ Վահան Բադասյանի հետ

–Պարո՛ն Բադասյան, ի՞նչ գնահատական կտաք այն իրավիճակին, որ հայտնի դարձավ և Անվտանգության խորհրդի նիստում վարչապետի պաշտոնակատար Նիկոլ Փաշինյանն ասաց, որ հակառակորդը խախտել է ՀՀ պետական սահմանը, 3․5 կմ-ի չափով խորացել և բանակցությունները դեռևս արդյունք չեն տվել։ Սա ինչի՞ հետևանք էր և արդյո՞ք հնարավոր էր խուսափել այս միջադեպից։

-Ընդունված բան է աշխարհում, որ պարտված Կառավարությունը հեռանում է։ Հիմա Նիկոլ Փաշինյանը մանիպուլյացիաներ արեց, մեղքը գցեց հների վրա։ Հիմա շատ հեշտությամբ այս մեղքն էլ կգցի հների վրա՝ ասելով. «Ժողովուրդ, գիտեք՝ ինչ կա, հներն են մեղավոր։ Նրանք սադրում են, պայմանավորվել են։ Սրանք սադրանքներ են, բայց ժողովո՛ւրդ ջան, ձեր ցավը տանեմ, չշեղվեք հանկարծ»։ Նա ամեն ինչ կանի։ Հիմա առիթ են տվել թուրքերը՝ պետք է նրանց գերի վերցնել, բերել Երևան և փոխել մեր գերիների հետ։

–Արտահերթ ընտրությունները կարո՞ղ են խնդիր լուծել և արդյո՞ք լինելու է երկու բևեռ։

-Նիկոլը, ցավոք, դիտավորյալ է դա անում, այսինքն՝ սնվում է հների միջոցով, մեղքը բարդում է հների վրա։ Նիկոլ Փաշինյանը հեշտությամբ կարողացավ իր վրայից մեղքը գցի հների վրա, հներին դարձրեց բևեռ, և ընտրությունը լինելու է վատի և ավելի վատի, այսինքն՝ հների և նորերի միջև։ Մինչև հիմա ինչպես եղել է, այդպես էլ լինելու է։

-Ըստ Ձեզ՝ առաջացած խնդիրները հնարավոր չի՞ լինի լուծել ընտրություններից հետո։ Չունե՞ք նման սպասելիքներ։

-Ես նման սպասելիքներ, այո՛, ունեմ։ Եթե գոնե վատն ընտրվի, որովհետև գոնե հները դավաճան չեն։ Ես տեսնում եմ, որ ժողովուրդը հակում ունի ընտրելու հներին և Նիկոլին։ Բայց հները գոնե դավաճան չեն։

Հարցազրույցն ամբողջությամբ՝ հեռախոսազրույցում։

Մերի Մարտիրոսյան