18.01.2026 | 21:30
Վահագն Խաչատուրյանն այցելել է Ժնևի Սուրբ Հակոբ եկեղեցի
Իրականացվել է մանկավարժական անձնակազմի և աշակերտների տարհանում և պատսպարում. ԱԻՆ
14.05.2021 | 18:16
Արտակարգ իրավիճակների նախարարությունը մարզերում շարունակում է անցկացնել տեսական դասընթացներ և վարժանքներ, որի նպատակն է բարձրացնել բնակչության իրազեկվածությունը, քաղաքացիական պաշտպանության ու տարահանման պլանների իրատեսությունը. տեղեկացնում են ՀՀ ԱԻՆ-ից:
Արմավիրի մարզի Վարդանաշենի համայնքապետարանում և դպրոցում փրկարարական վարչության կողմից անցկացվել է «ՔՊ միջոցառումների կազմակերպումը հակառակորդի հարձակման վտանգի դեպքում» և «Օդային տագնապ» ազդանշանի դեպքում» թեմաներով շտաբային ուսումնավարժություններ: Դասընթացներին ներգրաված էին համայնքի ղեկավար կազմը, տարահանման հանձնաժողովը, մանկավարժական անձնակազմը և աշակերտները:
Գեղարքունիքի մարզի Սեմյոնովկա, Ծովագյուղ, Զովաբեր և Դդմաշեն համայնքապետարաններում և միջնակարգ դպրոցներում անցկացվել են ուսումնավարժություններ «Ազդարարում, տարահանում, պատսպարում» թեմայով: Իրականացվել են մանկավարժական անձնակազմի և աշակերտների տարահանում և պատսպարում:
Հատուկ տակտիկական ուսումնավարժություն է անցկացվել նաև Վայոց ձորի մարզի Սարավանի հիմնական դպրոցում՝ «Անձնակազմի պատսպարման իրականացումը «Օդային տագնապ» ազդանշանի դեպքում» թեմայով: Մասնակցել են 35 աշակերտ և ուսուցչական կազմ, մարզային փրկարարական վարչության ներկայացուցիչներ:
