18.01.2026 | 21:30
Վահագն Խաչատուրյանն այցելել է Ժնևի Սուրբ Հակոբ եկեղեցի
Գողությունից հետո հրկիզել էր աշխատասենյակը, որ շեղի իրավապահներին․ Արարատի ոստիկանների բացահայտումը
Հասարակություն
14.05.2021 | 13:14
Մայիսի 12-ին Սուրենավան գյուղի ձկնաբուծարանի վարչական շենքում հրդեհ էր բռնկվել: Հրշեջների հետ ահազանգով դեպքի վայր էին մեկնել նաև ոստիկանության Արարատի բաժնի ծառայողները: Աշխատասենյակներից մեկն էր հրդեհվել: Կրակը մարելուց հետո միջոցառումներ էին ձեռնարկվում դեպքի պատճառներն ու հանգամանքները պարզելու ուղղությամբ, երբ երեկոյան նույն ձկնաբուծարանի շենքի վերաբերյալ նոր ահազանգ ստացվեց:
Տնօրենը տեխնիկական միջոցների գործադրմամբ բացել էր հրդեհված աշխատասենյակում գտնվող երկաթե պահարանի դուռը և պարզել, որ պահարանից գողացել են կես միլիոն դրամ:
Հաղորդումը ստանալուն պես քրեական հետախույզներն անհետաձգելի միջոցառումներ ձեռնարկեցին: Դեպքի վայրում ձեռք բերված փաստերի և օպերատիվ տեղեկությունների համադրությամբ պարզ դարձավ, որ գողությունը հնարավոր է կատարած լինի ձկնաբուծարանի պահակապետը:
Կասկածվողը Արարատ գյուղի բնակիչ էր, 30 տարեկան: Իրավապահների բացատրական աշխատանքի շնորհիվ նա ներկայացավ ոստիկանության Արարատի բաժին:
Հետագա միջոցառումներով պարզվեց, որ պահակապետը բանալիով բացել էր պահարանի դուռը, գողացել փողը և հրկիզել աշխատասենյակը` տպավորություն ստեղծելու համար՝ իբր հրդեհ է եղել, այլ ոչ թե գողություն:
Բերման ենթարկված տղամարդը տվել է խոստովանական բացատրություն:
Քննությունը շարունակվում է:
