08.10.2026 | 14:53
Թուրքական պաշտպանական ընկերությունը փակում է Ադրբեջանում իր մասնաճյուղը
ՃՈ ուժեղացված ծառայություններ Երևանում. հայտնաբերվել են ոչ սթափ վարորդներ
Հասարակություն
10.05.2021 | 17:42
Ճանապարհային երթևեկության անվտանգության ապահովման նպատակով ՃՈ ճանապարհապարեկային ծառայության բաժնի և մայրաքաղաքը սպասարկող 1-ին սպայական գումարտակի ծառայողները մայիսի 7-ի գիշերը Երևանում իրականացրին ուժեղացված ծառայություն. տեղեկացնում են ՀՀ ոստիկանությունից:
Ուշադրության կենտրոնում էին ճանապարհային երթևեկության կանոնները միտումնավոր խախտած ու երթևեկության մյուս մասնակիցների նկատմամբ անհարգալից վերաբերմունք դրսևորած վարորդները։
Մայրաքաղաքի տարբեր վարչական շրջաններից պահպանվող հատուկ տարածք տեղափոխվեց 18 ավտոմեքենա։ Հայտնաբերվեց հետախուզման մեջ գտնվող՝ 6, առանց ԱՊՊԱ պայմանագրի՝ 6, թաղանթապատված դիմապակիով՝ 1, վերասարքավորված խլացուցիչով՝ 1, փոխարինված համարանիշերով՝ 2 տրանսպորտային միջոց։ Հայտնաբերվեց ոչ սթափ վիճակում մեքենա վարող 14 անձ, որոնցից երկուսը նաև վարորդական իրավունքի վկայական չուներ։
Ուժեղացված ծառայությունները պարբերական են։ Վարորդներին հորդորում ենք խստորեն պահպանել ճանապարհային երթևեկության կանոնները։
